டெல்லியில் வன்முறை சம்பவம் : காந்தி மண்ணில் வன்முறைக்கு இடம் இல்லை - சோனியா காந்தி கண்டனம்

செவ்வாய்க்கிழமை, 25 பெப்ரவரி 2020      இந்தியா
Sonia-Gandhi 2020 02 25

புதுடெல்லி : டெல்லியில் வன்முறை தொடர்பாக காந்தியடிகள் மண்ணில் வன்முறைக்கு இடம் இல்லை என சோனியா காந்தி கண்டனம் தெரிவித்துள்ளார்

டெல்லியில் குடியுரிமை திருத்தச் சட்ட (சி.ஏ.ஏ.) ஆதரவாளர்களுக்கும், எதிர்ப்பாளர்களுக்கும் இடையே ஏற்பட்ட மோதலில் வன்முறை வெடித்தது. இந்த வன்முறையில், ஒரு தலைமைக் காவலர் உள்பட 5 பேர் பலியாகி உள்ளனர். 60 - க்கும் மேற்பட்டோர் காயமடைந்து சிகிச்சை பெற்று வருகின்றனர். அங்கு பதற்றத்தை தணிக்க போலீஸ் குவிக்கப்பட்டு உள்ளது. இந்த கலவரம் தொடர்பாக அரசியல் கட்சி தலைவர்கள் கண்டனம் தெரிவித்துள்ளனர்.

இது குறித்து காங்கிரஸ் இடைக்கால தலைவர் சோனியா காந்தி வெளியிட்ட அறிக்கையில்:-

டெல்லியில் குடியுரிமை திருத்தச் சட்ட (சி.ஏ.ஏ.) ஆதரவாளர்களுக்கும், எதிர்ப்பாளர்களுக்கும் இடையே ஏற்பட்ட மோதலில் போலீஸ் ஏட்டு ரத்தன் லால் சிகிச்சை பலனின்றி உயிரிழந்தார். அவரது குடும்பத்தினருக்கு ஆழ்ந்த இரங்கலை தெரிவித்துக்கொள்கிறேன். டெல்லியில் நடந்த வன்முறை கண்டனத்திற்குரியது. காந்தியடிகள் மண்ணில் வன்முறைக்கு இடம் இல்லை. தங்கள் வகுப்புவாத மற்றும் பிளவுபடுத்தும் சித்தாந்தத்தை நாட்டின் மீது திணிக்க விரும்பும் சக்திகளுக்கு இங்கு இடமில்லை. டெல்லியில் மீண்டும் அமைதி திரும்ப வேண்டும். இவ்வாறு அதில் கூறியுள்ளார்.

இதை ஷேர் செய்திடுங்கள்:

View all comments

வாசகர் கருத்து