ஸ்டான்லி மருத்துவமனை லிப்ட்டில் சிக்கிய அமைச்சர் மா. சுப்பிரமணியன் பத்திரமாக மீட்பு

சென்னை அரசு ஸ்டான்லி மருத்துவமனையில் லிப்ட்டில் சிக்கிக் கொண்ட அமைச்சர் மா. சுப்பிரமணியன் மற்றும் அதிகாரிகள் பத்திரமாக மீட்கப்பட்டனர். 

சென்னை  அரசு ஸ்டான்லி மருத்துவமனையில் திட்டங்கள் தொடக்க விழாவிற்கு மக்கள் நல்வாழ்வுத்துறை அமைச்சர் மா.சுப்பிரமணியின் சென்றிருந்தார். அப்போது 3-வது தளத்தில் இருந்து தரைத்தளத்திற்கு வந்த லிப்ட் திடீரென அறுவை சிகிச்சை துறை கட்டடத்தில் பாதியிலேயே நின்றது. இதில், லிப்டில் இருந்த அமைச்சர் மா.சுப்பிரமணியன் மற்றும் துறை அதிகாரிகள் சிலர் சிக்கிக் கொண்டனர். இதையடுத்து, லிப்டின் ஆபத்துக்கால கதவின் வழியே அமைச்சர் மா.சுப்பிரமணியன் உள்ளிட்டோர் மீட்கப்பட்டனர். இதனால், ஸ்டான்லி மருத்துவமனையில் பரபரப்பு ஏற்பட்டது.