மகளிர் இடஒதுக்கீடு மசோதா உங்களுக்கு நான் வழங்கிய பரிசு : குஜராத்தில் பிரதமர் மோடி பெருமிதம்

ஆமதாபாத் : மகளிர் இட ஒதுக்கீடு மசோதா, உங்களுக்கு நான் வழங்கிய பரிசு என்று ஆமதாபாத்தில் பிரதமர் மோடி பெருமிதத்துடன் தெரிவித்தார். 

பல்வேறு நிகழ்ச்சிகளில் பங்கேற்க குஜராத் சென்றிருந்த  பிரதமர் மோடியை ஆமதாபாத் நகரில் வழிநெடுக மக்கள் உற்சாகத்துடன் வரவேற்றனர்.  இரண்டு நாள் பயணமாக பிரதமர் மோடி நேற்று குஜராத்திற்கு சென்றார். அங்கு பல்வேறு நலத்திட்ட உதவிகளை அவர் துவக்கி வைத்தார்.

பாராளுமன்ற இரு அவைகளிலும் மகளிர் இட ஒதுக்கீடு மசோதா நிறைவேற்றப்பட்டதற்கு பின் முதன்முறையாக மோடி  குஜராத் சென்றுள்ளதால் ஆமதாபாத் நகரில் நடந்த பிரம்மாண்ட வாகன பேரணியில் பிரதமர் மோடி பங்கேற்றார்.  அப்போது வழிநெடுகிலும் மோடியை பெண்கள் உற்சாகத்துடன் வரவேற்றனர். பின்னர் பா.ஜ.க. மகளிர் அணியினர் நினைவுப்பரிசு வழங்கினர். தொடர்ந்து பிரதமர் மோடி பேசுகையில், மகளிர் இடஒதுக்கீடு மசோதா உங்களுக்கு நான் வழங்கிய பரிசு என பெருமிதத்துடன் தெரிவித்தார்.