முக்கிய செய்திகள்
Idhayam Matrimony

புனித வெள்ளியை முன்னிட்டு தேவாலயங்களில் சிலுவைப்பாடு நிகழ்ச்சி

வெள்ளிக்கிழமை, 18 ஏப்ரல் 2025      தமிழகம்
Churches-2025-04-18

சென்னை, புனித வெள்ளியான நேற்று இயேசு கிறிஸ்து சிலுவையில் அறையப்பட்ட நாளை நினைவு கூரும் வகையில் அனுசரிக்கப்படுகிறது. தமிழகம் முழுவதும் தேவாலயங்களில் சிலுவைப்பாடு நிகழ்ச்சி நடைபெற்றது

கிறிஸ்தவர்களின் தவக்காலம் கடந்த மாதம் 5-ம் தேதி சாம்பல் புதன் நிகழ்வுடன் தொடங்கியது. அதனைத் தொடர்ந்து, ஒவ்வொரு நாளும் தமிழக தேவாலயங்களில் பிரார்த்தனை, ஆராதனை போன்ற நிகழ்வுகள் நடந்து வருகிறது. இந்த நிலையில், நேற்று முன்தினம் புனித வியாழன் கடைபிடிக்கப்பட்டது. நேற்று புனித வெள்ளி நாளாகும். அதாவது, இயேசு கிறிஸ்து சிலுவையில் அறையப்பட்ட நாளை நினைவு கூரும் வகையில் இந்நாள் அனுசரிக்கப்படுகிறது. 

புனித வெள்ளி என்பது கிறிஸ்தவர்களுக்கு துக்க நாளாகும். மக்களுக்காக இயேசு கிறிஸ்து சிலுவையில் அறையப்பட்டு உயிர் நீத்த தியாகத்தை நினைவுகூறும் நாள். எனவே, நேற்றைய தினம் பல தேவாலயங்களில் இயேசு கிறிஸ்துவின் மரணத்தை நினைவு கூறும் வகையில் சிலுவைப்பாடு நிகழ்ச்சிகள் நடந்தன.

குறிப்பாக, நாகை மாவட்டம் வேளாங்கண்ணி, சென்னை, திருச்சி, கோவை, தூத்துக்குடி, நெல்லை, தென்காசி, கன்னியாகுமரி, மதுரை உள்பட தமிழகத்தின் பல மாவட்டங்களில் புனித வெள்ளி கடைபிடிக்கப்பட்டன. இயேசு கிறிஸ்து சிலுவையில் அறையப்பட்டு உயிர் துறப்பதற்கு முன்பு அவர் கூறிய 7 வார்த்தைகளை மையப்படுத்தி தேவாலயங்களில் பிரார்த்தனைகள் நடந்தன. இயேசு கிறிஸ்து சிலுவையில் அறையப்பட்ட 3-வது நாளில் உயிர்தெழுந்தார். அன்றைய தினத்தை கிறிஸ்தவர்கள் ஈஸ்டர் நாளாக கொண்டாடி மகிழ்கின்றனர். அந்த வகையில், வரும் ஞாயிற்றுக்கிழமை (20-ம் தேதி) ஈஸ்டர் பண்டிகை கொண்டாடப்படுகிறது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 5 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 5 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 6 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 6 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 8 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 8 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.