'தேசிங்குராஜா-2' திரைவிமர்சனம்

காவல் ஆணையராக இருக்கும் விமல், குற்றவாளிகளுக்கு துணை போவதோடு காவல்துறைக்கே களங்கமாக இருக்கிறார். அவரது நண்பரான ரவுடி ஜனா, அமைச்சர் மகனை கொல்லப்போவதாக சவால் விடுகிறார். எனவே அமைச்சரின் மகனை  பாதுகாக்கும் பொறுப்பு போலீஸ் உதவி கமிஷ்னர் பூஜிதாவிடம் ஒப்படைக்கப்படுகிறது. ஆனால் ஜனா அவரை கொலை செய்கிறார். அமைச்சர் மகனை ஜனா கொலை செய்ய காரணம் என்ன?, பாதுகாப்பு அளிக்கும் விமலுக்கு இதில் தொடர்பு இருக்கிறதா? என்பது தான் படத்தின் மீதிக்கதை. 

படத்தில் விமல் வழக்கமான தனது நடிப்பைக் கொடுத்திருக்கிறார். மற்றொரு நாயகனாக நடித்திருக்கும் ஜனா, நடனம், ஆக்‌ஷன் என அனைத்தும் தனக்கு தெரியும் என்பதை நிரூபித்திருக்கிறார். பூஜிதா பொன்னடா, ஹர்ஷிதா பண்ட்லமூரி, ஜூகி என மூன்று பேர் நாயகிகளாக சுமாராக நடித்திருக்கிறார்கள். எழுதி இயக்கியிருக்கும் எழில், நகைச்சுவை படம் என்ற பெயரில் ஒரு தரமற்ற படத்தை கொடுத்திருக்கிறார். படம் முழுவதும் யார் யாரோ, எதை எதையோ பேசிக் கொண்டிருக்க, திடீரென்று ஒரு திருப்பம், என்று கதை எப்படியோ பயணித்து முடிகிறது.