எதிர்பார்ப்பை ஏற்படுத்தி வரும் அர்ஜூன் தாஸ்

’கைதி’ மற்றும் ‘மாஸ்டர்’ படங்களின் மூலம் வில்லத்தனத்தில் மிரட்டியவர் அர்ஜுன் தாஸ், ‘போர்’, ‘ரசாவதி’, ‘அநீதி’ போன்ற வித்தியாசமான கதைக்களம் கொண்ட படங்களில் ஹீரோவாக நடித்து கவனம் ஈர்த்தார். மேலும், அஜித்தின் ‘குட் பேட் அக்லி’ படத்தில் வில்லனாக நடித்தாலும், ஆட்டம், பாட்டம், ஆக்‌ஷன், நடிப்பு என தனது நவரச திறமையால் தமிழ் சினிமாவில் தனக்கென்று ரசிகர் வட்டத்தை உருவாக்கி வருகிறார். இந்நிலையில் அர்ஜுன் தாஸ், நடிப்பில் வெளியாகியுள்ள ‘பாம்’ திரைப்படம் பெரிய வரவேற்பை பெற்று வருகிறது. நகரம் சார்ந்த கதைக்களங்களில் நடித்து வந்த அர்ஜூன் தாஸ், முதல் முறையாக கிராம கதைக்களத்தில் நடித்திருக்கிறார்.  தொடர்ந்து வித்தியாசமான கதைக்களங்களில் நடித்து வரும் அர்ஜூன் தாஸின், கதை தேர்வு மற்றும் நடிப்பு ஆகியவற்றால், ரசிகர்கள் மட்டும் இன்றி தமிழ் திரையுலகமே அவரது அடுத்தடுத்த படங்கள் மீது மிகப்பெரிய எதிர்பார்ப்பில் உள்ளனர்.