கிளைமாக்ஸில் என்னுடைய கதாபாத்திரத்தில் திருப்பம் அமைத்திருக்கிறார்கள். சீனியர் நடிகர் சிம்ரனுடன் நடித்தது சிறந்த அனுபவமாக இருந்தது. கிளைமாக்ஸில் எனக்கும் சிம்ரனுக்கும் சண்டைக் காட்சி இருக்கிறது.

இந்த சண்டைக் காட்சியில் சிம்ரனை அடிக்க மிகவும் தயங்கினேன். ஆனால், சிம்ரன் என் தயக்கத்தை போக்கி நடிக்க வைத்தார். கேமராவிற்குப் பின் சிம்ரன் வேறுமாதிரியாகவும், கேமராவிற்கு முன் அனுபவம் வாய்ந்த நடிகையாகவும் ஆச்சரியப்படுத்தியுள்ளார்.

 ‘கரையோரம்’ படம் மூன்று மொழிகளில் வெளியாகவுள்ளது. மூன்று மாநிலத்திலும் எனக்கு நல்ல பெயர் சொல்லும் படமாக இப்படம் அமையும். இப்படத்தை தவிர மலையாளப் படத்திலும் நடித்து வருகிறேன்’ என்றார். 

கரையோரம் ரசிகர்களை புது அனுபவத்தை தரும் மிகச்சிறந்த திரைப்படமாக அமையும் !!

கரையோரம் திரைப்படத்தின் பாடல் வெளியீட்டு விழா மற்றும் பத்திரிக்கையாளர் சந்திப்பு !!

 கரையோரம் திரைப்படத்தின் பத்திரிக்கையாளர் சந்திப்பு இன்று நடைபெற்றது. இதில் தயாரிப்பாளர் எல்.ஆனந்த, ராமலிங்கையா , ஸ்டுடியோ ௯ சுரேஷ் களஞ்சியம், இயக்குநர் ஜெ.கே.எஸ் , நாயகன் கணேஷ் , நிகிஷா படேல், இனியா ஆகியோர் கலந்து கொண்டனர். கரையோரம் படத்தை பற்றி இயக்குநர் ஜெ.கே.எஸ் பேசியது, கரையோரம் திரைப்படம் பத்து நிமிடங்களுக்கு ஒரு முறை உங்களை பயமுறுத்தும் வித்தியாசமான த்ரில்லர் திரைப்படமாக இருக்கும்.

இந்த படத்தை நாங்கள் மிகப்பெரிய தொழில்நுட்ப குழுவை கொண்டு உருவாக்கியுள்ளோம். இந்த படத்தில் நடிகை சிம்ரன் மிக முக்கியமான கதாபாத்திரத்தில் நடித்துள்ளார். இந்த கரையோரம் சிம்ரன் அவர்களுக்கு நிச்சயம் மிகப்பெரிய திருப்புமுனை திரைப்படமாக அமையும் என்பதில் எந்தவித மாற்று கருத்தும் இல்லை. அவருக்கு இது “கம் பேக் “ படமாக இருக்கும் என்று கூட சொல்லலாம். இந்த படத்தை நாங்கள் மும்மொழிகளில் உருவாக்கியுள்ளோம்.

அதே போல் இந்த படம் நாயகி நிகேஷா படேலுக்கு அவருடைய திரை வாழ்க்கையில் முக்கியமான திரைப்படமாக அமையும். கவர்ச்சி கன்னியாக வளம் வரும் நிகேஷாவிடமிருந்து மிகச்சிறந்த நடிப்பை இந்த படத்துக்காக வெளிகொண்டுவந்துள்ளேன்.

இனியா அவர்களின் நடிப்பு இந்த படத்தில் நிச்சயம் பேசப்படும் அவர் இந்த படத்தில் முற்றிலும் புதுமையான கதாபாத்திரத்தில் நடித்துள்ளார்.. படத்தின் இடைவேளை பகுதி நிச்சயம் எல்லோரிடுமும் மிகுந்த வரவேற்ப்பை பெறும் அதற்க்கு காரணம் இதுவரை யாரும் தொடாத ஒரு விஷயத்தை நாங்கள் படத்தில் கையாண்டுள்ளோம் என்றார் இயக்குநர்.