புதுச்சேரி சட்டசபை தேர்தலில் தே.மு.தி.க. தனித்து போட்டி

புதுவையில் தே.மு.தி.க. தனித்து போட்டியிடும் என அக்கட்சியின் மாநில செயலாளர் வி.பி.பி.வேலு தெரிவித்துள்ளார்.

புதுவை சட்டசபைக்கு வருகிற 6-ம் தேதி தேர்தல் நடைபெறவுள்ளது. புதுவையில் காங்கிரஸ் - தி.மு.க. ஒரு அணியாகவும், என்.ஆர்.காங்கிரஸ், பா.ஜ.க., அ.தி.மு.க. மற்றொரு அணியாகவும் களமிறங்குகிறது. இக்கூட்டணியில் என்.ஆர்.காங்கிரசுக்கு 16 இடங்களும், அ.தி.மு.க.- பா.ஜ.க.வுக்கு 14 இடங்களும் ஒதுக்கப்பட்டுள்ளது. அ.தி.மு.க.வுக்கு குறைவான தொகுதிகள் ஒதுக்கப்படும் என்பதால் அக்கட்சி கடும் அதிருப்தியில் உள்ளது. 

இந்த நிலையில் புதுவையில் தே.மு.தி.க. தனித்து போட்டியிடும் என அக்கட்சியின் மாநில செயலாளர் வி.பி.பி. வேலு தெரிவித்துள்ளார். கட்சி தலைமை ஒப்புதலை பெற்று இதற்கான அறிவிப்பை வெளியிட்டுள்ளார். மேலும் 5 தொகுதிகளுக்கும் வேட்பாளர்கள் அறிவிக்கப்பட்டுள்ளனர். அதன்படி பாகூரில் வி.பி.பி.வேலு, காலாப்பட்டில் ஹரிகரன், உப்பளத்தில் சசிக்குமார், திருநாள்ளாறில் ஜிந்தா என்கிற குரு, நெடுங்காடு கோட்டூச்சேரியில் ராம்டீ ஞானசேகர் ஆகியோர் அறிவிக்கப்பட்டுள்ளனர்.