முக்கிய செய்திகள்
Idhayam Matrimony

திருமாவளவன் குறித்து பேச்சு: தமிழிசைக்கு எதிரான அவதூறு வழக்கு ரத்து

செவ்வாய்க்கிழமை, 28 செப்டம்பர் 2021      அரசியல்
Image Unavailable

தமிழிசை சௌந்தரராஜனுக்கு எதிரான வழக்கு அரசியல் விளம்பரத்திற்காக தொடரப்பட்ட வழக்காக தெரிவதாக குறிப்பிட்ட நீதிமன்றம், வழக்கை ரத்து செய்து உத்தரவிட்டது.

வி.சி.க. தலைவர் திருமாவளவனுக்கு எதிராக கருத்து தெரிவித்ததாக தெலுங்கானா ஆளுனர் தமிழிசை சௌந்தரராஜன் மீது தொடரப்பட்ட அவதூறு வழக்கை சென்னை உயர் நீதிமன்றம் ரத்து செய்துள்ளது.

தற்போது தெலுங்கானா ஆளுனராக உள்ள தமிழிசை சௌந்தரராஜன், 2017 ஆம் ஆண்டில் பாரதிய ஜனதா கட்சியின் தமிழக தலைவராக இருந்தபோது விடுதலை சிறுத்தைகள் கட்சி தலைவர் திருமாவளவன் பற்றி ஊடகங்களில் கருத்து தெரிவித்தார்.

இது தொடர்பாக வி.சி.க. உறுப்பினர் தாடி கார்த்திகேயன் என்பவர் காஞ்சிபுரம் மாவட்ட நீதிமன்றத்தில் அவதூறு வழக்கு தொடர்ந்தார். அந்த வழக்கில் தமிழிசை ஆஜராக சம்மன் அனுப்பப்பட்டது. சம்மனையும் வழக்கையும் ரத்து செய்யக்கோரி தமிழிசை சென்னை உயர் நீதிமன்றத்தில் வழக்கு தொடர்ந்திருந்தார்.

இந்த வழக்கு நீதிபதி எம்.தண்டபாணி முன்பு பலமுறை விசாரணைக்கு வந்தபோதும், தமிழிசை சௌந்ததராஜன் தரப்பிலும், தாடி கார்த்திகேயன் தரப்பிலும் வழக்கறிஞர்கள் ஆஜராகவில்லை. இந்த வழக்கில் நேற்று உத்தரவு பிறப்பித்த நீதிபதி, அரசியல் சாசனம் பேச்சுரிமை, கருத்து சுதந்திரம் ஆகியவற்றை வழங்கினாலும், அதற்கான கட்டுப்பாடுகளையும் வகுத்துள்ளதை சுட்டிக்காட்டியுள்ளார்.

அரசியல் விளம்பரத்திற்காக தொடரப்பட்ட வழக்காக தெரிவதாகவும், விடுதலை சிறுத்தைகள் கட்சியிலிருந்தோ அல்லது அதன் தலைவர் தொல். திருமாவளவனிடமிருந்தோ எந்த அங்கீகாரமும் வழங்கப்படாத நிலையில், தமிழிசை சௌந்தரராஜன் கருத்தால் பாதிக்கப்படாத ஒருவர் தொடர்ந்த வழக்கை ஏற்க முடியாது என கூறி காஞ்சிபுரம் நீதிமன்றத்தில் தமிழிசை சௌந்தரராஜனுக்கு எதிராக தொடரபட்ட அவதூறு வழக்கை ரத்து செய்து உத்தரவிட்டுள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 4 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 4 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 5 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 5 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 7 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 7 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.