கௌதம் கார்த்திக் நடிக்கும் புதிய படம்

இயக்குனர் கணேஷ் கே.பாபுவின் முதல் தயாரிப்பான புதிய படத்தின் தொடக்க விழா சமீபத்தில் நடைபெற்றது. இந்த விழாவுக்கு இயக்குநர்கள் H. வினோத், ராஜு முருகன் மற்றும் தயாரிப்பாளர் ஃபைவ் ஸ்டார் கே செந்தில் ஆகியோர் விருந்தினர்களாக கலந்து கொண்டனர். படம் பற்றி தயாரிப்பாளர் கணேஷ் கே பாபு கூறியதாவது, சாமானியனின் அரசியல் வாழ்வை காமெடி கலந்து எடுத்துரைக்கும் இந்த படத்தில் கௌதம் கார்த்திக்கை பார்வையாளர்கள் நீண்டநாள் நினைவில் நிறுத்திக் கொள்ளக்கூடிய முக்கியத்துவம் வாய்ந்த கதாபாத்திரத்தில் நடிக்கிறார். இந்தப் படத்தில் இயக்குனர் செல்வராகவன் புதிய கதாபாத்திரத்தில் நடிக்க உள்ளார். இயக்குனர் ராஜு முருகனின் உதவியாளரான தினா ராகவன், இப்படத்தின் மூலம் இயக்குனராக அறிமுகமாகிறார். மேலும் இப்படத்தில், ராபி, பி. வாசு, ஏ. வெங்கடேஷ், மாறன், இந்துமதி, ஆதித்யா கதிர், பாக்கியம் சங்கர் மற்றும் பலர் நடிக்கிறார்கள் இவ்வாறு கணேஷ் கே பாபு கூறினார்.