கால்பந்து லீக் போட்டி: ரொனால்டோ சாதனையை முறியடித்தார் மெஸ்சி

பார்சிலோனா : லா லிகா கால்பந்து லீக்கில் அதிக முறை ஹாட்ரிக் கோல் அடித்த வீரர் என்ற சாதனையை ரொனால்டோவிடம் இருந்து தட்டிப் பறித்தார் மெஸ்சி.

லா லிகா கால்பந்து லீக்கில் நேற்று முன்தினம் நடைபெற்ற ஆட்டம் ஒன்றில் பார்சிலோனா - மல்லோர்கா அணிகள் மோதின. இதில் பார்சிலோனா 5-2 என வெற்றி பெற்றது. நட்சத்திர வீரர் மெஸ்சி ஹாட்ரிக் கோல் அடித்தார்.இது அவருக்கு லா லிகா லீக்கில் 35-வது ஹாட்ரிக் கோல் ஆகும். இதன் மூலம் அதிகமுறை ஹாட்ரிக் கோல் அடித்திருந்த ரொனால்டோவின் சாதனையை முறியடித்துள்ளார். ரொனால்டோ 34 முறை அடித்துள்ளார். கடந்த சீசனில் இருந்து அவர் லா லிகாவில் இருந்து விலகி இத்தாலி யுவென்டஸ் அணிக்காக விளையாடி வருகிறார்.கடந்த வாரம் பலோன் டி'ஆர் விருதை 6-வது முறையாக கைப்பற்றி ரொனால்டோவை பின்னுக்குத் தள்ளியிருந்தார் என்பது குறிப்பிடத்தக்கது.