கேரள காங்கிரஸ் மூத்த தலைவர் உம்மன் சாண்டிக்கு கொரோனா

திருவனந்தபுரம் : கேரள முதல்வர் பினராய் விஜயனுக்கு கொரோனா தொற்று நேற்று உறுதி செய்யப்பட்டநிலையில், முன்னாள் முதல்வரும், காங்கிரஸ் மூத்த தலைவருமான உம்மன் சாண்டிக்கும் தொற்று இருப்பது உறுதி செய்யப்பட்டது.

இதில் முதல்வர் பினராய் விஜயன் கடந்த மாதம் 3-ம் தேதிதான் கொரோனா தடுப்பூசி செலுத்திக் கொண்டார் இருப்பினும் தொற்றால் பாதிக்கப்பட்டுள்ளார். 

இதையடுத்து, முதல்வர் பினராய் விஜயன் சிகிச்சைக்காக கோழிக்கோடு அரசு மருத்துவக்கல்லூரி மருத்துவமனையில் அனுமதிக்கப்பட்டுள்ளார் என்று முதல்வர் அலுவலகம் தெரிவித்துள்ளது. பினராய் விஜயனின் மகள் வீணா விஜயன், மருமகன் முகமது ரியாஸ் ஆகியோருக்கு கொரோனா தொற்று ஏற்பட்டது. இதையடுத்து, முதல்வர் பினராய் விஜயனுக்கும் தொற்று உறுதி தெய்யப்பட்டது.

இதற்டையே கேரள முன்னாள் முதல்வரும், காங்கிரஸ் மூத்தத் தலைவருமான உம்மன் சாண்டியும் கொரோனா தொற்றால் பாதிக்கப்பட்டுள்ளார். கடந்த சில நாட்களாக உம்மன்சாண்டி உடல்நலம் சரியில்லாமல் இருந்தார்.

இதையடுத்து அவருக்கு நடத்தப்பட்ட கொரோனா பரிசோதனையில் அவருக்கு தொற்று இருப்பது உறுதி செய்யப்பட்டது.  உம்மன் சாண்டி, கோட்டயத்தில் உள்ள தனியார் மருத்துவமனைக்கு நேற்று சிகிச்சைக்காக அனுமதிக்கப்பட்டுள்ளதாக தகவல்கள் தெரிவிக்கின்றன.