முக்கிய செய்திகள்
Idhayam Matrimony

அரசு மருத்துவமனை வளாகத்தில் 24 மணி நேர இலவச உணவுத் திட்டம் : அமைச்சர் சேகர்பாபு தொடங்கி வைத்தார்

செவ்வாய்க்கிழமை, 11 மே 2021      தமிழகம்
Image Unavailable

Source: provided

சென்னை : சென்னை, ராஜீவ் காந்தி அரசு மருத்துவமனையில் ஏழை, எளியோர் பயன்பெறும் வகையில் ஊரடங்கு முடியும் வரையில் 24 மணி நேரமும் இலவச உணவு வழங்கும் திட்டத்தை இந்து சமய அறநிலையத்துறை அமைச்சர் சேகர்பாபு நேற்று தொடங்கி வைத்தார்.

அதைத் தொடர்ந்து செய்தியாளர்களிடம் அவர் கூறியதாவது, 

முழு ஊரடங்கு காலத்தில் கொரோனா தொற்று காரணமாக ராஜீவ் காந்தி அரசு மருத்துவமனையில் அனுமதிக்கப்பட்டிருக்கும் தொற்றாளர்களுக்கும், அவர்களுக்கு உதவியாக இருப்பவர்களுக்கும் பிற நோய்களால் அங்கே அனுமதிக்கப்பட்டு உள்ளவர்களுக்கும், அவர்களைக் காண வருபவர்களுக்கும் 24 மணி நேரமும் உணவு வழங்க வேண்டும் என்று திட்டமிட்டோம்.  இதற்காக 94 மாதங்களாக மாதந்தோறும் ஒரு நாள் இலவச உணவு வழங்கி வரும் சங்கமித்ரா எனும் தனியார் அமைப்பினை தொடர்பு கொண்டு பேசினோம்.

ஊரடங்கில் 24 மணி நேரமும் சென்னை ராஜீவ் காந்தி அரசு மருத்துவமனையில் இலவச உணவு வழங்க வேண்டும் என்று கோரிக்கை விடுத்தோம். எங்களின் கோரிக்கையை ஏற்றுக்கொண்ட தனியார் அமைப்பு, இலவச உணவை வழங்க முன்வந்தது. அதன்படி, 24 மணி நேரமும் இலவச உணவு வழங்கும் சேவை தொடங்கப்பட்டுள்ளது.

ராஜீவ் காந்தி அரசு மருத்துவமனை முதல்வர் மற்றும் மருத்துவமனையின் இயக்குனர் இருவரும் இணைந்து இந்த நிகழ்ச்சியைத் தொடங்கி வைத்துள்ளனர் என்று அமைச்சர் சேகர்பாபு தெரிவித்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து