மருத்துவ அவலத்தைச் சொல்லும் ஆதார்

கருணாஸ் கதையின் நாயகனாக நடித்துள்ள படம் ஆதார். இப்படத்தில் பிக்பாஸ் புகழ் ரித்விகா கதாநாயகியாக நடிக்கிறார். அரசு மருத்துவமனையில் நடந்த உண்மை சம்பவத்தை மையமாக வைத்து எடுக்கப்பட்ட இந்த படத்தில் அருண்பாண்டியன், வத்திக்குச்சி திலீப், பாகுபலி  பிரபாகர், மனிஷா யாதவ் ஆகியோர் நடித்துள்ளனர். அம்பாசமுத்திரம் அம்பானி, திருநாள் ஆகிய படங்களை இயக்கிய ராஜ்நாத் இப்படத்தை இயக்குகிறார். அழகம்மை மகன் தயாரிக்கும் இப்படத்தை வெனிலா கிரியேஷன்ஸ் சார்பில் சசிகுமார் தயாரிக்கிறார். படப்பிடிப்பு முழுவதையும் சென்னையிலேயே முடித்துள்ள இப்படக்குழு அடுத்த ஆண்டு ஜனவரியில் படத்தை வெளியிட முடிவு செய்துள்ளது. ஏற்கனவே திண்டுக்கல் சாரதி, அம்பாசமுத்திரம் அம்பானி உள்ளிட்ட படங்களில்   கதாநாயகனாக நடித்தவர் என்பது குறிப்பிட்டத்தக்கது.