அணு ஆயுதங்களை பயன்படுத்தினால் பேரழிவை சந்திக்க வேண்டியிருக்கும் ரஷ்யாவிற்கு, அமெரிக்கா எச்சரிக்கை

வாஷிங்டன்: உக்ரைனில் அணு ஆயுதங்களை பயன்படுத்தினால் பேரழிவை சந்திக்க வேண்டியிருக்கும் என்று ரஷ்யாவுக்கு அமெரிக்கா எச்சரிக்கை விடுத்துள்ளது. 

உக்ரைன் மீது ரஷ்யா போர் தொடுத்துள்ள நிலையில், மேற்கத்திய நாடுகளால் ரஷ்யாவின் பாதுகாப்புக்கு அச்சுறுத்தல் ஏற்பட்டால் உக்ரைன் மீது அணு ஆயுதங்களை பயன்படுத்துவதை தவிர்க்க முடியாது என அந்நாட்டு அதிபர் புடின் எச்சரிக்கை விடுத்திருந்தார். இந்த நிலையில் வாஷிங்டனில் செய்தியாளர்களிடம் பேசிய அமெரிக்காவின் தேசிய பாதுகாப்பு ஆலோசர் ஜேக் சல்லிவன், 

உக்ரைன் மீது அணு ஆயுத தாக்குதலை நடத்துப் போவதாக தெரிவித்துள்ள ரஷியாவிற்கு அமெரிக்கா தீர்மானமாக பதிலளிக்கும் என்றார். ரஷ்யா இந்த எல்லையைத் தாண்டினால், பேரழிவு விளைவுகள் ஏற்படும் என்றும் அவர் குறிப்பிட்டார். மேலும் உக்ரைனில் நடைபெறும் வாக்கெடுப்பு வலிமை அல்லது நம்பிக்கையின் அடையாளங்கள் அல்ல. இது ரஷ்ய ராணுவத்திற்கான திரும்ப அழைப்பு. ஆக்கிரமிக்கப்பட்ட பிரதேசங்களில் இருந்து அவர்கள் ஓட முயற்சிக்கிறார்கள் என்பதை காட்டுகிறது.  உக்ரைன் விவகாரத்தில் ரஷ்யாவும், புடினும் எப்படி மோசமாகப் போராடிக் கொண்டிருக்கிறார்கள் என்பதற்கான அறிகுறிகள் அவை என்றும் சல்லிவன் தெரிவித்தார்.