விஜய் தயாரிக்கும் பைவ் சிக்ஸ் செவன் எய்ட்

முழுக்க நடனத்தைப் பின்னணி கதைக்களமாகக் கொண்டு உருவாகியுள்ள தொடர்  ஃபைவ் சிக்ஸ் செவன் எய்ட். ஜீ5 ஓடிடி தளத்தின் அடுத்த படைப்பாக இத்தொடர் வெளியாகியுள்ளது. இயக்குநர் எ.எல். விஜய் தயாரிப்பாளராக பணியாற்றியுள்ள இத்தொடரை விஜய், பிரசன்னா JK, மிருதுளா ஸ்ரீதரன் ஆகியோர் இணைந்து இயக்கியுள்ளனர். இத்தொடரில் இளம் நடிகர்களாக தித்யா சாகர் பாண்டே, சின்னி பிரகாஷ், விவேக் ஜோக்தாண்டே ஆகியோர் நடித்துள்ளனர்.  இவர்களுடன் நாகேந்திர பிரசாத் முக்கிய கதாபாத்திரத்தில் நடித்துள்ளார்.  கடந்த வாரம் இத்தொடர் வெளியானதை ஒட்டி பத்திரிக்கையாளர் சந்திப்பு பிரமாண்டமாக நடைபெற்றது. அதில் கலந்து கொண்டு பேசிய இயக்குநர் பாலா, எனது உதவியாளர் மிருதுளா இந்த தொடரை இயக்கியுள்ளார். இந்த தொடர் பார்க்க நன்றாக உள்ளது. தொடரில் பங்குகொண்ட அனைவருக்கும் என் வாழ்த்துக்கள் என்றார். பின்னர் பேசிய எ.எல். விஜய், இந்த தொடருக்கு பரேஷ் ஜீ, சாம் CS, மதன் கார்க்கி மூவரின் பங்களிப்பும் அற்புதம். நாட்டிலேயே நடனத்தைப் பின்னணியாக கொண்டு உருவாகியுள்ள முதல் தொடர்  இது தான். இத்தொடர் அனைவரையும் கவரும் என்றார்.