விஷ்ணு விஷால் நடிக்கும் கட்டா குஸ்தி

விஷ்ணு விஷால் நடிப்பில் விரைவில் வெளியாகவுள்ள திரைப்படம் கட்டா குஸ்தி. இந்த படத்தில் பிரபல தெலுங்கு நடிகர் ரவி தேஜா முக்கிய கேரக்டரில் நடித்துள்ளதுடன் விஷ்ணு விஷாலோடு இணைந்து இப்படத்தை தயாரித்தும் இருக்கிறார். படத்தின் ஃபர்ஸ்ட் லுக் போஸ்டர் ரிலீஸ் ஆனதைத் தொடர்ந்து சமீபத்தில் ட்ரைலர் வெளியீட்டு நிகழ்வு நடைபெற்றது. இதில் தாணு உள்ளிட்ட ஏராளமான திரைப்பிரபலங்கள் கலந்து கொண்டனர். அப்போது பேசிய இயக்குனர் தமிழ்நாட்டு இளைஞருக்கும் கேரள பெண்னுக்கும் இடையே நடக்கும் திருமணம் மற்றும் அது சம்மந்தமான பிரச்சனைகளை சுற்றி உருவாக்கப் பட்டுள்ள கதையாக இப்படம் அமைந்துள்ளது என்றார். தமிழ் தெலுங்கு ஆகிய இரண்டு மொழிகளில் உருவாகி உள்ள இப்படம் தெலுங்கில் ’மட்டி குஸ்தி’ என்ற டைட்டிலில் வெளியாகிறது. ஜஸ்டீன் பிரபாகரன் இசையில் ரிச்சர்ட் நாதனின் ஒளிப்பதிவில் உருவாகியுள்ள இந்த படத்தை செல்லா அய்யாவு இயக்கியுள்ளார். இந்நிலையில் இந்த படம் வரும் டிசம்பர் 2 ஆம் தேதி ரிலீஸ் ஆகும் என அறிவிக்கப்பட்டுள்ளது.