தங்கம் விலை மீண்டும் ரூ.1 லட்சத்தை கடந்தது

சென்னை, 22 காரட் ஆபரணத் தங்கத்தின் விலை நேற்று (ஜன.2) சென்னையில் பவுனுக்கு ரூ.1,120 என உயர்ந்துள்ளது. இதனால் மீண்டும் ஒரு பவுன் தங்கம் விலை ரூ.1 லட்சத்தை கடந்துள்ளது.

கடந்த டிச.27-ல் ஒரு பவுன் ரூ.1 லட்சத்து 4 ஆயிரத்து 800 ஆக உயர்ந்து, வரலாறு காணாத புதிய உச்சத்தை தொட்டது. அதன்பின் விலை குறையத் தொடங்கியது. தொடர்ந்து 4-வது நாளாக நேற்றும் விலை குறைந்தது. அதன்படி பவுனுக்கு ரூ.320 குறைந்து, ரூ.99,520-க்கு விற்கப்பட்டது.

இந்நிலையில், தங்கம் விலை நேற்று சென்னையில் மீண்டும் உயர்ந்து விற்பனையானது. 22 காரட் ஆபரணத் தங்கத்தின் விலை நேற்று கிராமுக்கு ரூ.140 உயர்ந்து, ஒரு கிராம் ரூ.12,580-க்கும், பவுனுக்கு ரூ.1,120 உயர்ந்து, ஒரு பவுன் ரூ.1,00,640-க்கும் விற்பனையானது. 24 காரட் தங்கம் ஒரு பவுன் ரூ.1,09,792-க்கு விற்பனையானது.  சென்னையில் நேற்று வெள்ளி விலை கிராமுக்கு ரூ.4 உயர்ந்து, ஒரு கிராம் ரூ.260-க்கு விற்பனையானது. ஒரு கிலோ வெள்ளியின் விலை ரூ.4,000 உயர்ந்து, ரூ.2,60,000-க்கு விற்பனையானது.