Idhayam Matrimony

2024 டி - 20 உலகக் கோப்பை: போட்டி விதிமுறை வெளியீடு

செவ்வாய்க்கிழமை, 22 நவம்பர் 2022      விளையாட்டு
World-Cup 2022 11 22

Source: provided

மும்பை : 2024 டி - 20 உலகக் கோப்பை கிரிக்கெட் போட்டிக்கான விதிமுறைகள் தற்போது வெளியிடப்பட்டுள்ளன.

16 அணிகள்...

ஆஸ்திரேலியாவில் நடைபெற்று உலகக் கோப்பை தொடரில் மொத்தம் 16 அணிகள் பங்கேற்றன. இதில் 8 அணிகள் நேரடியாக குரூப் 12 சுற்றுக்கு தகுதி பெற்றன. மீதமுள்ள 8 அணிகள் இரண்டு பிரிவாக பிரிக்கப்பட்டு ஒவ்வொரு பிரிவிலும் இருந்து இரண்டு அணிகள் குரூப் 12 சுற்றுக்கு தகுதி பெற்றன.அதன்பின் குரூப் 12-ல் உள்ள அணிகள் இரண்டு பிரிவுகளாக பிரிக்கப்பட்டு இரண்டு பிரிவுகளிலும் தலா முதல் இரண்டு இடங்களை பிடித்த அணி அரையிறுதிக்கு முன்னேறின. அதன் பிறகு இறுதிப் போட்டி.

புதிய விதிமுறை...

2024 டி20 உலகக் கோப்பை கிரிக்கெட் தொடர் போட்டிகள் எவ்வாறு நடத்தப்படும் என்ற விவரம் தற்போது வெளியாகியுள்ளன. அதன் விவரம் வருமாறு:-

1. மொத்தம் 20 அணிகள் பங்கேற்கின்றன.

2. 20 அணிகளும் நான்கு பிரிவுகளாக பிரிக்கப்படும்.

3. ஒவ்வொரு பிரிவுகளிலும் ஒரு அணி மற்ற அணிகளுடன் தலா ஒரு முறை மோத வேண்டும்.

4. ஒவ்வொரு பிரிவிலும் முதல் இரண்டு இடங்களை பிடிக்கும் தலா இரண்டு அணிகள் சூப்பர் 8 குரூப்பிற்கு முன்னேறும்.

8. சூப்பர் 8 குரூப்பிற்கு தகுதிப் பெற்ற 8 அணிகளும் இரண்டு பிரிவுகளாக பிரிக்கப்படும்.

9. ஒவ்வொரு பிரிவிலும் இடம் பிடித்துள்ள அணிகள் அதே பிரிவில் உள்ள மற்ற அணிகளுடன் தலா ஒருமுறை மோத வேண்டும்.

10. இரண்டு பிரிவிலும் தலா முதல் இரண்டு இடங்களை பிடிக்கும் அணிகள் அரையிறுதிக்கு முன்னேறும்.

11. அதன்பின் இறுதிப் போட்டி.

12. தற்போது 12 அணிகள் நேரடியாக தகுதிப் பெற்றுள்ளன. மீதமுள்ள 8 அணிகள் தகுதிச் சுற்றில் விளையாடி முன்னேறும்.

13. டி20 கிரிக்கெட் தொடர் வெஸ்ட் இண்டீஸ் மற்றும் அமெரிக்காவில் நடைபெற இருக்கிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து