2001- 02 கல்வியாண்டு முதல் அரியர் வைத்திருப்பவர்களுக்கு சிறப்பு தேர்வு: அண்ணா பல்கலைக் கழகம் அறிவிப்பு

2001- 02 கல்வியாண்டு முதல் பொறியியல் படிப்பில் அரியர் வைத்திருக்கும் மாணவர்களுக்கு மீண்டும் தேர்வு எழுத அண்ணா பல்கலைக் கழகம் வாய்ப்பு அளித்துள்ளது. செமஸ்டர் தேர்வு நடைபெறும் போது தேர்வு எழுத அண்ணா பல்கலைக்கழகம் சிறப்பு அனுமதி வழங்கியுள்ளது.

இது குறித்து அண்ணா பல்கலைக்கழகம் வெளியிட்டுள்ள அறிவிப்பில் கூறப்பட்டிருப்பதாவது, 

3-வது செமஸ்டர் தொடங்கி, அதாவது 2-ம் ஆண்டு முதல் செமஸ்டர் முதல் அரியர் வைத்திருப்பவர்கள் மீண்டு தேர்வெழுதிக் கொள்ள அண்ணா பல்கலைக்கழகம் சிறப்பு அனுமதி வழங்கியுள்ளது. இதன்படி அரியர் தேர்வெழுதும் மாணவர்கள் தேர்வுக் கட்டணத்துடன் ரூ. 5,000 கூடுதலாக செலுத்த வேண்டும் எனவும் இந்த தேர்வுக்கு www.coe1.annauniv.edu என்ற இணையத்தளத்தில் டிசம்பர் 3-ம் தேதிக்குள்  விண்ணப்பிக்கலாம் எனவும் அண்ணா பல்கலைக் கழகம் தெரிவித்துள்ளது.  அரியர் தேர்வெழுதுபவர்கள் அண்ணா பல்கலைக்கழகம் நிர்ணயித்துள்ள 9 தேர்வு மையங்களில் ஒன்றை தேர்வு செய்ய வேண்டும் என்றும் பல்கலைக் கழகம் தரப்பில் தெரிவிக்கப்பட்டுள்ளது.