முக்கிய செய்திகள்
Idhayam Matrimony

சிறந்த பாடலுக்கான ஆஸ்கர் விருதை வெல்லுமா..? இறுதி பட்டியலில் இடம் பிடித்த 'ஆர்.ஆர்.ஆர்' பட நாட்டு.. பாடல்

செவ்வாய்க்கிழமை, 24 ஜனவரி 2023      சினிமா
RRR 2021 07 19

Source: provided

ஜெனீவா : சிறந்த பாடலுக்கான இறுதி பட்டியலில் இடம் பிடித்த 'ஆர்.ஆர்.ஆர்' பட நாட்டு.. பாடல் ஆஸ்கர் விருதை வெல்லுமா என்று எதிர்பார்க்கப்படுகிறது.

ராம் சரண், ஜூனியர் என்.டி.ஆர். நடிப்பில் ராஜமௌலி இயக்கத்தில் வெளியான படம் 'ஆர்ஆர்ஆர்'. இப்படம் உலகம் முழுவதும் கடந்த மார்ச் 25-ஆம் தேதி வெளியானது. தெலுங்கு, தமிழ், மலையாளம், கன்னடம், இந்தி மொழிகளில் வெளியான இப்படம் நல்ல விமர்சனங்கள் பெற்றது. இப்படத்தில் பாலிவுட் நடிகர் அஜய் தேவ்கான், ஆலியா பட், பிரகாஷ் ராஜ், சமுத்திரகனி உள்ளிட்டோர் முக்கிய கதாபாத்திரங்களில் நடித்துள்ளனர். பீம் கதாபாத்திரத்தில் ஜூனியர் என்.டி.ஆரும் ராம ராஜு கதாபாத்திரத்தில் ராம் சரணும் நடித்திருந்தனர். இப்படம் திரையரங்குகளில் வெற்றிகரமாக ஓடி வசூலை குவித்தது.

இப்படத்தில் இடம்பெற்றுள்ள 'நாட்டு நாட்டு' பாடல் சமீபத்தில் 2023-ஆம் ஆண்டு ஆஸ்கார் விருதுகளுக்கான பரிந்துரை பட்டியலில் ஒரிஜினல் பாடல் பிரிவில் இடம்பிடித்தது. இந்நிலையில், சிறந்த பாடலுக்கான ஆஸ்கர் இறுதி பட்டியலில் 'நாட்டு நாட்டு' பாடல் இடம்பெற்றுள்ளது. இதனுடன் மேலும் நான்கு பாடல்கள் பரிந்துரைக்கப்பட்டுள்ளது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து