மேட்டூர் அணைக்கு நீர்வரத்து 1474 கன அடியாக அதிகரிப்பு

சேலம் : காவிரி நீர்ப்பிடிப்பு பகுதியில் மழை பெய்ததால் மீண்டும் மேட்டூர் அணைக்கு நீர்வரத்து அதிகரித்துள்ளது. 

நேற்று முன்தினம் 1304 கன அடியாக இருந்த நீர்வரத்து, நேற்று காலை வினாடிக்கு 1474 கன அடியாக அதிகரித்தது. இதையடுத்து அணையில் இருந்து காவிரியில் ஆயிரம் கன அடி தண்ணீர் திறந்து விடப்பட்டுள்ளது. 

அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணை நீர்மட்டம் அப்படியே நீடிக்கிறது. நேற்று முன்தினம் 103.71 அடியாக இருந்த மேட்டூர் அணை நீர்மட்டம் நேற்று 103.72 அடியாக உள்ளது. இனி வரும் நாட்களில் நீர்வரத்து அதிகரித்தால் அணையின் நீர்மட்டம் மீண்டும் உயர வாய்ப்புள்ளது.