பாரிஸ் : பிரெஞ்ச் ஓபன் இரட்டையர் ஆட்டம் சர்ச்சைக்குரிய வகையில் முடிவடைந்தது, மியு கட்டோ மற்றும் அல்டிலா சுட்ஜியாடி இரட்டையர் அணி போட்டியிலிருந்து தகுதி நீக்கம் செய்யப்பட்டது.

முதல் செட்டில்...

பாரீசில் பிரெஞ்ச் ஓபன் டென்னிஸ் போட்டிகள் நடைபெற்று வருகிறது இதில் பெண்கள் இரட்டையர் பிரிவில் ஸ்பெயினின் சாரா சொரிப்ஸ் -டார்மோ மற்றும் செக் குடியரசின் மேரி பவுஸ்கோவா ஜோடி ஜப்பானின் கேட்டோ மற்றும் இந்தோனேசியாவின் சுட்ஜியாடி மோதியது. இதில் முதல் செட்டை சாரா சொரிப்ஸ் ஜோடி கைப்பற்றி இருந்தது.

சர்ச்சையாக மாறிய... 

இரண்டாவது செட்டில் ஜப்பானின் கேட்டோ ஜோடி 3-1 என முன்னிலை வகித்தனர். அப்போது  அபோது கேட்டோ அடித்த பந்து  பால் எடுக்கும் பணிப் பெண்ணின் தலையில் பட்டது. இதில் அப்பெண் நிலை குழைந்தார். இது சர்ச்சையாக மாறியது. கேட்டா பந்தை வேண்டுமென்றே பணிப் பெண்ணை அடிக்க நினைத்ததாகத் தெரியவில்லை என்றாலும், பந்து அவர் தலையைத் தாக்கியது. மைதானத்தின் பின்புறம் நின்று பணிப் பெண் கண் கலங்கினார்.

ஜோடி தகுதி நீக்கம்... 

கிராண்ட்ஸ்லாம் மேற்பார்வையாளர் வெய்ன் மெக்கெவன் மற்றும் போட்டி நடுவர் ரெமி அஸெமர் ஆகியோர் மைதானத்திற்குள் வருவதற்கு முன், தலைமை நடுவர் அலெக்ஸாண்ட்ரே ஜூஜ்  இதனை விதி மீறல் என கூறினார். அதிகாரிகள் மற்றும் வீரர்களுக்கு இடையேயான விவாதங்களுக்குப் பிறகு, கேட்டோ மற்றும் சுட்ஜியாடி ஜோடி தகுதி நீக்கம் செய்யப்பட்டதாக அறிவிக்கப்பட்டது.