மார்க் ஆண்டனி விமர்சனம்

விஷால், எஸ்.ஜே.சூர்யா, நடிப்பில் ஆதிக் ரவிச்சந்திரன் இயக்கத்தில் மினி ஸ்டுடியோஸ் தயாரிப்பில் தற்போது வெளியாகி இருக்கும் படம் மார்க் ஆண்டனி. விஷால் தந்தை மகன் என இரு வேடத்திலும், எஸ். ஜே. சூர்யாவும் தந்தை மகன் என இரு வேடத்திலும் இப்படத்தில் நடித்துள்ளனர். அறிவியல் கண்டு பிடிப்பாளரான செல்வராகவன் டைம் டிராவல் செய்யும் தொலை பேசியை கண்டுபிடிக்கிறார். இதன் மூலம் கடந்த காலத்திற்கு சென்று தொலைபேசி மூலம் பேசி எதிர்காலத்தை மாற்ற முடியும். இந்த ஒரு விஷயத்தை வைத்துக்கொண்டு மகன் மார்க், தன் தந்தை  ஆண்டனியின் மரணத்தின் பின்னணியை அறிந்து கொள்கிறார். பின்னர், ஜாக்கி பாண்டியனான தந்தை எஸ்.ஜே.சூர்யாவையும் அவருடைய மகனான மதன் பாண்டியனையும் என்ன செய்தார் என்பது தான் படத்தின் ஒரு வரிக்கதை. ஆண்டனியை விட பாண்டியனாக வரும் எஸ் ஜே சூர்யா நடிப்பில் பின்னி இருக்கிறார். அபிநந்தன் ராமானுஜத்தின் ஒளிப்பதிவு பாராட்டுகுரியது. படத்தில் இடம்பெறும் பாடல்கள் அருமை. மொத்தத்தில் மார்க் ஆண்டனி பாஸ் மார்க் வாங்கி விட்டர்.