கார்த்திக் சுப்பராஜ் இயக்கத்தில் நவம்பர் 10 ஆம் தேதி திரையரங்கத்தில் வெளியானப் படம் ஜிகர்தண்டா டபுள் எக்ஸ். இப்படத்தில் ராகவா லாரண்ஸ், எஸ் ஜே சூர்யா, நிமிஷா சஜயன், சத்யன், சஞ்சனா நடராஜன்,  நவீன் சந்திரா, இளவரசு உள்ளிட்டவர்கள் நடித்திருந்தனர். சந்தோஷ் நாராயணன் இசையில் ஸ்டோன் பெஞ்சு ப்ரோடக்‌ஷன்ஸ் இந்தப் படத்தை தயாரித்துள்ளது.  வசூலை குவித்து வரும் ஜிகர்தண்டா படத்தின் சக்சஸ் மீட் சமீபத்தில் நடைபெற்றது. இந்த நிகழ்ச்சியில் இயக்குநர் கார்த்திக் சுப்பராஜ், நடிகர் ராகவா லாரண்ஸ், எஸ் ஜே சூர்யா , இசையமைப்பாளர் சந்தோஷ் நாராயணன், நவீன் சந்திரா  மற்றும் தொழில் நுட்பக்கலைஞர்கள்  உள்ளிட்டவர்கள் கலந்துகொண்டார்கள்.  அப்போது பேசிய, எஸ் ஜே சூர்யா , கார்த்திக் சுப்பராஜ் இறைவி என்கிற படத்தை எனக்கு கொடுத்து என் வாழ்க்கையில் மிக முக்கியமான ஒரு கேட்டை திறந்து விட்டார். அதே மாதிரி இந்தப் படத்திலும் எனக்கு மைல் கல்லைக் கொடுத்திருக்கிறார். என் வாழ்க்கையில் இரண்டு முக்கியமானப் படங்களைக் எனக்கு கொடுத்த கார்த்திக் சுப்பராஜுக்கு நன்றியைத் தெரிவித்துக் கொள்கிறேன் என்று கூறினார்.