லாக்கர் விமர்சனம்

நூதனமான முறையில் பணத்தை கொள்ளையடிப்பது, தங்கம் கடத்துவது, பங்கு சந்தை மூலம் மக்களை மூளை சலவை செய்து பணம் பறிப்பது போன்ற சட்ட விரோத செயல்களை செய்யும் ஒரு இளைஞனின் வாழக்கையில் பெண் வந்தால் என்ன ஆகும் என்று சொல்லும் படம் தான் லாக்கர்.  ராஜசேகர் மற்றும் யுவராஜ் கண்ணன் இணைந்து லாக்கரை இயக்கி இருக்கிறார்கள். விக்னேஷ் சண்முகம் ஹீரோவாக நடித்திருக்கிறார். நிரஞ்சனி  அசோகன் ஹீரோயினாக அறிமுகம் ஆகியுள்ளார். படத்தின் முதல் பாதி   ஹீரோவின்  சாகசாங்களை சொல்கிறது. இரண்டாவது பாதியில் திரைக்கதை முழுவதும் மாறி லாக்கரில் உள்ள தங்கத்தை திருடுதல் என்ற திசையை நோக்கி பயணிக்கிறது. குறைந்த  பட்ஜெட்டில் ஒரு நல்ல திரைக்கதை அமைத்து நடிகர்களிடம் நல்ல நடிப்பை வாங்கி சுவாரசியமான படம் கொடுத்த இயக்குனர்களை பாராட்டலாம்.