முக்கிய செய்திகள்
Idhayam Matrimony

ஐ.பி.எல். போட்டி குறித்து நாம் அறிந்து கொள்ள வேண்டியவை....

செவ்வாய்க்கிழமை, 28 நவம்பர் 2023      விளையாட்டு
ICC 2023 07 29

Source: provided

ஐ.பி.எல் வரலாற்றில் இதுவரை இல்லாத அளவுக்கு வெளியே சொல்லப்படாத, சொல்லக் கூடாத ஒரு தொகைக்கு ஹர்திக் பாண்டியாவை அவரது சம்மதத்துடன் மும்பை இந்தியன்ஸிற்கு விற்றுள்ளது குஜராத் டைட்டன்ஸ் நிர்வாகம். வீரர்கள் பரிமாற்றம் அல்லது வீரர்கள் விற்பனை எப்படி நிகழ்கிறது என்பதை நாம் அறிந்து கொள்வோம்.

கால்பந்து போட்டியில்...

இது போன்ற வீரர்கள் பரிமாற்றம், வீரர்களை விற்பது என்பது கால்பந்து தனியார் லீக்குகளிலிருந்து ஐ.பி.எல் தத்தெடுத்துக் கொண்ட நடைமுறையாகும். ஒரு ஐ.பி.எல் அணியிலிருந்து இன்னொரு ஐ.பி.எல் அணிக்கு ஒரு வீரர் விற்கப்படும் ஒப்பந்தத்தில் என்ன தொகைக்கு வீரர் விற்கப்படுகிறாரோ, அந்த ஒட்டு மொத்த டீல் முழுதும் பணப்பரிமாற்றத்தின் மூலமே நடைபெறும். அல்லது வீரர்கள் பரிமாற்றம் எனில் அந்தந்த வீரரின் ஏலத்தொகை இடைவெளியை நிரப்பும் தொகைப் பரிமாற்றத்தின் மூலம் நிகழும். இதுவும் ரொக்க டீல்தான். சரி! இதற்கெல்லாம் என்ன கணக்கு, தணிக்கை உண்டா? என்ற கேள்வியும் எழும்.

வர்த்தகச் சாளரம்... 

ஐ.பி.எல் விதிமுறைகளின்படி ஒரு சீசன் முடிந்தவுடன் ஒரு மாதம் கழித்து இந்த வீரர்கள் வியாபார சாளரம் திறக்கப்படும். ஏலத்திற்கு ஒருவாரம் முன்னதாக சாளரம் மூடப்படும். பிறகு அடுத்த சீசன் தொடங்குவதற்கு ஒரு மாதம் வரையிலும் நீடிக்கும். 2009-ல் இந்த வீரர்கள் வர்த்தகச் சாளரம் ஐ.பி.எல்--ல் திறக்கப்பட்டது. டெல்லி டேர் டெவில்ஸ் அணியிடமிருந்து மும்பை இந்தியன்ஸ் ஷிகர் தவானை வாங்கியதன் மூலம் இது தொடங்கியது. ஆஷிஷ் நெஹ்ரா-ஷிகர் தவான் பரிமாறிக்கொள்ளப்பட்டனர்.

அறிவிக்கப்படாத...

ஹர்திக் பாண்டியா வர்த்தகத்தில் அறிவிக்கப்படாத தொகைக்கு விற்கப்பட்டுள்ளார். பொதுவாக ஏலத்தொகைக்கு சரிசமமான தொகைதான் டீலாக இருக்கும். சரி! வீரர்கள் சம்மதம் தேவையா என்றால் கட்டாயம் தேவை என்றே ஐ.பி.எல் விதிகள் கூறுகின்றன. ஹர்திக் விஷயத்தில் குஜராத் டைட்டன்ஸ் இயக்குநர் விக்ரம் சோலங்கி கூறும்போது, ‘ஹர்திக் பாண்டியாவுக்கு மீண்டும் மும்பை இந்தியன்ஸ் செல்ல விருப்பம்’ என்று தெரிவித்தார்.

ரவீந்திர ஜடேஜா.... 

2010-ல் ரவீந்திர ஜடேஜா ரகசியமாக இன்னொரு அணியுடன் பேரம் பேசியதாக ஒரு சீசன் அவர் தடை செய்யப்பட்டார். ராஜஸ்தான் ராயல்ஸ் அணியுடன் புதிப்பிப்பு ஒப்பந்தத்தில் கையெழுத்திடாமலேயே ஜடேஜா மும்பையுடன் பேரத்தில் இறங்கினார், இது ஐ.பி.எல் வீரர்கள் ஒப்பந்தத்திற்கு எதிரானது என்று அவர் தடை செய்யப்பட்டார். ஒரு வீரர் ஒரு அணியிலிருந்து இன்னொரு அணிக்குச் செல்ல விரும்புகிறார், ஆனால் அணி உரிமையாளர் அதற்கு ஒப்புதல் தெரிவிக்கவில்லை என்றால் என்ன ஆகும்? உரிமையாளர் முடிவே இறுதியானது. ஒரு புறம் வீரர்கள் விருப்பம் கட்டாயம் மறுபுறம் வீட்டோ பவர் அணி உரிமையாளருக்கே.

உரிமையாளர்களிடையே...

வீரர்கள் பரிமாற்றத் தொகை என்பது வீரர்களை கொடுத்து வாங்கும் உரிமையாளர்களிடையே நடைபெறும் ஒப்பந்தமாகும். வீரர்களின் ஏலத்தொகையை விட எத்தனை அதிகம் செலவழிக்கப்படுகிறதோ அதுதான் பரிமாற்றத் தொகை. ஹர்திக் பாண்டியா விவகாரத்தில் மும்பை இண்டியன்ஸ், குஜராத் டைட்டன்ஸுக்கு அறிவிக்கப்படாத ஒரு பரிமாற்றத்தொகையைக் கொடுத்தது. இந்த பரிமாற்றத்தொகைக்கு எந்த ஒரு உச்ச வரம்பும் கிடையாது, ஆனால் என்ன தொகை என்ற விவரம் ஐ.பி.எல் மட்டுமே அறிந்த ஒன்று.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 1 month 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 5 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 6 months 4 days ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 6 months 4 days ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 7 months 11 hours ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 7 months 12 hours ago
View all comments

வாசகர் கருத்து