பாலியல் குற்றவாளிக்கு மன்னிப்பு வழங்கிய ஹங்கேரி பெண் அதிபர் கடாலின் ராஜினாமா

புடாபெஸ்ட் : பாலியல் குற்றச்சாட்டில் சிக்கிய நபருக்கு மன்னிப்பு வழங்கிய ஹங்கேரி பெண் அதிபர் கடாலின் நோவக் தனது பதவியை ராஜினாமா செய்தார். 

ஹங்கேரி நாட்டுப் பெண் அதிபராக இருந்தவர் கடாலின் நோவக். இவர் பாலியல் குற்றச்சாட்டில் சிக்கிய நபருக்கு மன்னிப்பு வழங்கினார். அரசு நடத்தும் குழந்தைகள் இல்ல நிர்வாகி மீது பாலியல் துஷ்பிரயோக வழக்கு தொடரப்பட்டு அவர் சிறையில் அடைக்கப்பட்டார். அந்த நிர்வாகிக்கு அதிபர் கடாலின் நோவக் மன்னிப்பு வழங்கி இருந்தார். 

இதற்கு நீதித்துறை அமைச்சர் ஜூடிட் லர்கா அனுமதி அளித்தார். இது பெரும் சர்ச்சையை ஏற்படுத்தியது. அதிபர் கடாலின் நோவக்குக்கு எதிர்ப்பு வலுத்தது. அவர் பதவி விலகக் கோரி போராட்டங்கள் நடந்தன.

இந்த நிலையில் கடாலின் நோவக் அதிபர் பதவியில் இருந்து விலகுவதாக அறிவித்து ராஜினாமா செய்தார். இது தொடர்பாக அவர் தொலைக்காட்சியில் கூறும் போது,

நான் ஒரு தவறு செய்து விட்டேன். குழந்தைகள் இல்ல நிர்வாகி, துஷ்பிரயோகம் செய்யவில்லை என்று நம்பி மன்னிப்பு வழங்க முடிவு செய்தேன். ஆனால் அதில் நான் தவறு செய்து விட்டேன். நான் உங்களை அதிபராக சந்திப்பது கடைசி நாள் என்றார். அதே போல் நீதித்துறை அமைச்சர் வர்காவும் பதவி விலகி உள்ளார்.