எச்-1பி விசா, கிரீன் கார்டு நடைமுறையை மேம்படுத்த ஜோபைடன் நடவடிக்கை : வௌ்ளை மாளிகை தகவல்

வாஷிங்டன் : எச்-1 பி விசா, கிரீன் கார்டு நடைமுறைகளை மேம்படுத்த ஜோபைடன் நிர்வாகம் நடவடிக்கை எடுத்து வருவதாக வௌ்ளை மாளிகை தெரிவித்துள்ளது. 

இதுகுறித்து வௌ்ளை மாளிகை செய்தி தொடர்பாளர் கரீன் ஜீன் பியர் கூறியதாவது, 

அமெரிக்காவில் சட்டவிரோதமாக குடியேறுவதற்கான சாத்தியக்கூறுகளை குறைக்கவும், குடியேற்ற அமைப்பின் ஒருமைப்பாட்டை வலுப்படுத்தவும் எடுத்த முயற்சிகளின் ஒருபகுதியாக உள்நாட்டு பாதுகாப்புத்துறை எச் -1பி விசா தொடர்பான புதிய விதியை வெளியிட்டுள்ளது. 

எச் -1பி விசா, கிரீன் கார்டு மற்றும் நாட்டின் சட்டப்பூர்வ குடியேற்றங்கள் தொடர்பான சிக்கல்களை களைய ஜோபைடன் நிர்வாகம் அனைத்து முயற்சிகளையும் செய்து வருகிறது என்று தெரிவித்தார்.