71-வது பிறந்தநாள்: முதல்வர் மு.க. ஸ்டாலினுக்கு பிரதமர் உள்ளிட்டோர் வாழ்த்து

புதுடெல்லி, முதல்வர் மு.க.ஸ்டாலின் 71-வது பிறந்த நாளை முன்னிட்டு  அவருக்கு ஜனாதிபதி திரெளபதி முர்மு, பிரதமர் மோடி உள்ளிட்ட தலைவர்கள் வாழ்த்து தெரிவித்தனர்.

தமிழ்நாடு முதல்வரும், தி.மு.க. தலைவருமான மு.க.ஸ்டாலின் நேற்று தனது 71-வது பிறந்தநாளை  கொண்டாடினார். அவருக்கு கட்சி நிர்வாகிகள், தொண்டர்கள், பல்வேறு அரசியல் கட்சி தலைவர்கள் வாழ்த்து தெரிவித்தனர். இந்த நிலையில் முதல்வர்  மு.க. ஸ்டாலினுக்கு பிரதமர் மோடி வாழ்த்து தெரிவித்துள்ளார். இது குறித்து அவர் வெளியிட்டுள்ள எக்ஸ் தள பதிவில் , தமிழ்நாடு முதல்வர்  மு.க.ஸ்டாலினுக்கு பிறந்த நாள் வாழ்த்துகள். நீண்ட ஆயுளோடு, உடல் நலத்தோடு வாழ வாழ்த்துகள்  என தெரிவித்துள்ளார்.

அதேபோல், ஜனாதிபதி திரெளபதி முர்முவும் முதல்வர் முக ஸ்டாலினுக்கு வாழ்த்து தெரிவித்துள்ளார். காங்கிரஸ் கட்சியின் முக்கிய தலைவர் ராகுல் காந்தி  உள்பட கூட்டணி கட்சித்தலைவர்களும் முதல்வர் மு.க ஸ்டாலினுக்கு வாழ்த்து  தெரிவித்துள்ளனர். காங்கிரஸ் கட்சி தலைவர் மல்லிகார்ஜுன கார்கே, கேரள மாநில முதல்வர் பினராயி விஜயன், நடிகர் கமல்ஹாசன், புதுச்சேரி துணை நிலை கவர்னர் தமிழிசை சவுந்தரராஜன், தமிழக பா.ஜ.க. தலைவர் அண்ணாமலை, நடிகர் ரஜினிகாந்த், த.வெ.க. தலைவர் நடிகர் விஜய் உள்ளிட்டோரும் வாழ்த்து தெரிவித்துள்ளனர்.