முக்கிய செய்திகள்
Idhayam Matrimony

இந்தியாவுக்கு மட்டுமில்லை, உலகத்துக்கே தி.மு.க.வின் திட்டங்கள் முன்னோடியாக உள்ளது : வேலூர் பிரசாரத்தில் முதல்வர் மு.க.ஸ்டாலின் பெருமிதம்

செவ்வாய்க்கிழமை, 2 ஏப்ரல் 2024      தமிழகம்
CM-3 2023-08-21

Source: provided

வேலூர் : தி.மு.க.வின் திட்டங்கள் இந்தியாவுக்கு மட்டுமில்லை, உலகத்துக்கே முன்னோடியாக உள்ளது என்று வேலூர் பிரசாரத்தில் முதல்வர் மு.க.ஸ்டாலின் தெரிவித்தார்.

வேலூர் தொகுதி தி.மு.க. வேட்பாளர் கதிர் ஆனந்த், அரக்கோணம் தொகுதி தி.மு.க. வேட்பாளர்களை ஜெகத்ரட்சகன் ஆகியோரை ஆதரித்து முதல்வர் மு.க.ஸ்டாலின் நேற்று பிரசாரம் செய்தார்.

பிரசாரத்தில் முதல்வர் மு.க.ஸ்டாலின் பேசியதாவது.,  கடந்த தேர்தலில் வேலூரில் போட்டியிட்ட கதிர் ஆனந்தை தோற்கடிக்க தேர்தலை தள்ளிப் பார்த்தார்கள். ஆனால், வாக்காளர்களான நீங்கள் 'அவர்களை' தள்ளி வைத்து வெற்றியை கொடுத்தீர்கள். இந்த தேர்தலிலும் கதிர் ஆனந்தை வெற்றி பெறச் செய்ய வேண்டும். தி.மு.க.வின் திட்டங்கள் இந்தியாவுக்கு மட்டுமின்றி உலகத்துக்கே முன்னோடியாக உள்ளது. தமிழ்நாடு முழுவதும் 18 லட்சம் குழந்தைகள் பள்ளிகளில் காலை உணவுத் திட்டத்தில் பயனடைகிறார்கள். இன்று (நேற்று) காலை, சமூக வலைதளத்தில் கனடா நாட்டின் பள்ளிகளில் உணவுத்திட்டம் வழங்கப்படுவதாக செய்தியை பார்த்ததும் மனம் மகிழ்ச்சி அடைந்தது.

எதிர்க்கட்சியாக இருக்கும் போது 'ஒன்றிணைவோம் வா' என உங்களுக்காக பணியாற்றுவோம். ஆட்சியில் இருந்தால் திட்டங்களை நிறைவேற்றி 'நீங்கள் நலமா?' என உங்களிடம் கேட்போம். பொய்களையும், அவதூறுகளையும் துணையாக அழைத்துக்கொண்டு தேர்தல் சீசனுக்கு மட்டும் தமிழ்நாட்டுக்கு வருகிறார் பிரதமர் மோடி. தேர்தல் முடிந்ததும் அவர்கள் தமிழ்நாட்டின் பக்கமே வர மாட்டார்கள்; நிதி கேட்டா தர மாட்டார். இவ்வாறு அவர் கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து