முக்கிய செய்திகள்
Idhayam Matrimony

சித்திரை மாத பிறப்பு: தோவாளை மலர் சந்தையில் பூக்கள் விலை கிடுகிடு உயர்வு

சனிக்கிழமை, 13 ஏப்ரல் 2024      தமிழகம்
Thovalai-Flower 2023 06 28

Source: provided

குமரி : சித்திரை மாத பிறப்பை ஒட்டி தோவாளை மலர் சந்தையில் பூக்கள் விலை கிடுகிடுவென உயர்ந்துள்ளது. 

தமிழகத்தில் புகழ் பெற்ற மலர்சந்தைகளில் மிக முக்கியமானது கன்னியாகுமரியில் உள்ள தோவாளை மலர்சந்தை. இந்த மலர்சந்தைக்கு தமிழகத்தில் மதுரை, ராயக்கோட்டை, திண்டுக்கல், ஓசூர் மற்றும் பெங்களூர் பகுதியிலிருந்தும் உள்ளூர் பகுதிகளுமான குமாரபுரம், ஆரல்வாய்மொழி, தோவாளை பகுதியிலிருந்தும் பூக்கள் வந்து சேரும். 

அதே போல் இங்கிருந்து கேரளாவுக்கு அதிகமாக பூக்கள் விற்பனை செய்யப்படுவதும் வழக்கம். இந்த நிலையில் இன்று சித்திரை மாதப் பிறப்பு கன்னியாகுமரி மாவட்டத்தில் வெகு விமரிசையாக கொண்டாடப்பட உள்ளது. அதையொட்டி பூக்களின் தேவை அதிகரித்துள்ளதால் தோவாளை மலர்சந்தையில் பூக்களின் விலை அதிகரித்துள்ளது. 

நேற்றைய நிலவரப்படி ஒரு கிலோ பிச்சிப்பூ ரூ. ஆயிரத்தில் இருந்து ரூ.1,500ஆக விலை அதிகரித்து விற்பனை செய்யப்படுகிறது. ரூ. 300-க்கு விற்கப்பட்ட ஒரு கிலோ மல்லிகைப்பூ  ரூ.500-க்கு விற்பனை செய்யப்பட்டது.

ரூ.150-க்கு விற்கப்பட்ட ஒரு தாழம்பூ  ரூ.500-க்கு  விற்பனை செய்யப்பட்டது.  ரூ.150-க்கு விற்கப்பட்ட ஒரு கிலோ செவ்வந்திப் பூ தற்போது மூன்று மடங்கு விலை அதிகரித்து ரூ.450-க்கு விற்பனையானது. அரளிப்பூ கிலோ ரூ. 200-ல் இருந்து ரூ. 350ஆகவும், மஞ்சள் கேந்தி ரூ.70-ல் இருந்து ரூ.120 ஆகவும் அதிகரித்து விற்பனை செய்யப்பட்டது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து