வங்காள விரிகுடா இசை வெளியீட்டு விழா

மாதா பிதா பிலிம் பேக்டரி வழங்க, தமிழ் திரையுலகில் முதன்முறையாக, 21 கிராப்ட்களை கையாண்டு இப்படத்தை தயாரித்து இயக்கி நடித்திருக்கிறார் குகன் சக்வர்த்தியார். அப்துல்கலாமின் கனவு காணுங்கள் எனும் கருத்தை மையமாகக் கொண்டு உருவாகியுள்ளது இப்படம்.  இந்த படம்  விரைவில் திரைக்கு வரவுள்ள நிலையில்,  இப்படத்தின் இசை மற்றும் டிரெய்லர் வெளியீட்டு விழா சமீபத்தில்  நடைபெற்றது.

விழாவில், குகன் சக்கரவர்த்தியார் பேசியதாவது... எம்ஜிஆர்,  ஜெயலலிதா கலைஞர், அண்ணா எல்லோரும் வாழும் இடம் வங்காள விரிகுடா. காசு உள்ளவன் எல்லாம் படமெடுத்து விட முடியாது, அறிவு வேண்டும். இந்த படம்  அருமையான கதை, நல்ல பாடல்கள் என படம் நன்றாக வந்துள்ளது என்றார்.

'வங்காள விரிகுடா குறுநில மன்னன்' இசைத்தட்டினை சிறப்பு விருந்தினர்கள் வெளியிட குகன் சக்வர்த்தியாரின் தாய் மற்றும் தந்தை பெற்றுக்கொண்டனர். இந்த நிகழ்ச்சியின் போது குகன் சக்வர்த்தியாரின் பிறந்தநாள் கேக் வெட்டப்பட்டு சிறப்பாக கொண்டாடப்பட்டது.