கேரளாவில் பலத்த மழை: திருவனந்தபுரம், கொச்சியில் சாலைகள் துண்டிப்பு

திருவனந்தபுரம், கேரளாவில் பெய்து வரும் பலத்த மழையால் திருவனந்தபுரம், கொச்சி உள்ளிட்ட முக்கிய நகரங்களில் பல சாலைகள் துண்டிக்கப்பட்டன.

கேரளாவில் கடந்த சில நாட்களாக பல பகுதிகளில் தொடர் மழை பெய்து வருகிறது. திருவனந்தபுரம், கொல்லம், எர்ணாகுளம் உள்ளிட்ட சில மாவட்டங்களுக்கு ஆரஞ்ச் அலர்ட் விடுத்துள்ளது. திருவனந்தபுரத்தில் மார்க்கெட் பகுதியில் பல வணிக நிறுவனங்களில் மழை நீர் புகுந்தது. தாழ்வான வீடுகளில் மழை நீர் புகுந்துள்ளது. மலை அடிவாரங்களில் நிலச்சரிவு அபாயம் ஏற்பட்டுள்ளதால் மக்கள் எச்சரிக்கையாக இருக்குமாறு கேட்டு கொள்ளப்பட்டுள்ளனர்.

பல ஏரிகள் நிறைந்து சாலைகளில் தண்ணீர் பெருக்கெடுத்து ஓடுகிறது. ஆலப்புழாவில் பல பகுதிகள் தண்ணீரால் சூழ்ந்தன. இன்னும் வரும் சில நாட்களுக்கு மழை தொடரும் என வானிலை தெரிவிக்கிறது. இது போல் பத்தினம்திட்டா, ஆலப்புழா, கோட்டயம், இடுக்கி மாவட்டங்களுக்கு ரெட் அலர்ட் விடுக்கப்பட்டுள்ளது குறிப்பிடத்தக்கது.