தங்கம் விலை குறைவு

சென்னை : சென்னையில் ஆபரணத் தங்கத்தின் விலை நேற்று (ஜூலை 19) சவரனுக்கு ரூ. 240 குறைந்து ரூ. 55,000-க்கு விற்பனையானது.

கடந்த சில நாள்களாக ஆபரணத் தங்கத்தின் விலை ஏற்ற, இறக்கமாக இருந்து வந்த நிலையில், புதன்கிழமை அதிரடியாக சவரனுக்கு ரூ.720 உயர்ந்து, ரூ.55,360-க்கு விற்பனையானது. நேற்று முன்தினம் (வியாழக்கிழமை) சவரனுக்கு ரூ. 120 குறைந்து ரூ. 55,240-க்கு விற்பனையானது.

இந்த நிலையில், சென்னையில் ஆபரணத் தங்கத்தின் விலை சவரனுக்கு ரூ. 240 குறைந்து ரூ. 55,000-க்கும், கிராமுக்கு ரூ. 30 குறைந்து ரூ. 6875-க்கும் விற்பனையானது. அதேபோல், வெள்ளி விலையும் கிராமுக்கு ரூ. 1.45 குறைந்து ரூ.97.75-க்கும், ஒரு கிலோ (கட்டி வெள்ளி) ரூ.1,450 குறைந்து ரூ. 97,750-க்கும் விற்பனையானது.