திருப்பதி ஏழுமலையான் கோவில் தெப்பக்குளம் மீண்டும் திறப்பு

திருமலை : திருப்பதி ஏழுமலையான் கோவில் தெப்பக்குளம் நேற்று முதல் பக்தர்களின் பயன்பாட்டுக்கு மீண்டும் திறக்கப்பட்டுள்ளது. 

திருப்பதி ஏழுமலையான் கோவிலில் வரும் அக்டோபர் 4-ம் தேதி முதல் வருடாந்திர பிரம்மோற்சவம் கொடியேற்றத்துடன் தொடங்க உள்ளது. பிரம்மோற்சவத்தை முன்னிட்டு ஒவ்வொரு ஆண்டும் கோயில் அருகே உள்ள தெப்பக்குளம் சீரமைக்கப்படுவது வழக்கம். 

அது போல் இந்த ஆண்டும் சீரமைப்பு பணிகளுக்காக தெப்பக்குளத்தில் பக்தர்கள் குளிக்க கடந்த மாதம் தடை விதிக்கப்பட்டது. சுமார் ஒரு மாத காலத்துக்கு தெப்பக்குளம் சீரமைப்பு பணிகள் நடைபெற்றன.

இந்நிலையில் சீரமைப்பு பணிகள் முடிந்து விட்டதால் செப்டம்பர் 1-ம் தேதி(நேற்று) முதல் தெப்பக்குளத்தில் பக்தர்கள் குளிக்க அனுமதிக்கப்படுவார்கள் என்று தேவஸ்தானம் தெரிவித்து இருந்தது. அதன்படி நேற்று முதல் திருப்பதி ஏழுமலையான் கோவில் தெப்பக்குளம் பக்தர்களின் பயன்பாட்டுக்கு மீண்டும் திறக்கப்பட்டுள்ளது.