ராணுவ வீரர் இயக்கும் புதிய படம்

டுவிங்கில் லேப்ஸ் புரொடக்ஷன்ஸ் சார்பில் எம்.ஏ.பாலா தயாரித்து, இயக்கும் புதிய படம் பூஜையுடன் சமீபத்தில் தொடங்கியது. முன்னாள் ராணுவ வீரரான எம்.ஏ.பாலா ஏற்கனவே 'கார்த்திகேயனும் காணாமல் போன காதலியும்' என்ற படத்தை தயாரித்து, இயக்கினார்.

இந்தப் படம் ரசிகர்கள் மத்தியில் நல்ல வரவேற்பை பெற்ற நிலையில், தற்போது தனது இரண்டாவது படத்தை துவங்கியிருக்கிறார். இந்தப் படத்தில் யாஷிகா ஆனந்த் கதாநாயகியாக முக்கிய பாத்திரத்தில் நடிக்கிறார்.

இவருக்கு ஜோடியாக புதுவையைச் சேர்ந்த டாக்டர் ராம் பிரசாத் நடிக்கிறார். இந்தப் படத்திற்கு ஒளிப்பதிவு டேவிட் பாஸ்கர், இசை விபின்.ஆர்,  இன்னும் பெயரிடப்படாத இந்தப் படத்தின் படப்பிடிப்பு சென்னை மற்றும் அதன் சுற்று வட்டார பகுதிகளில் தொடர்ந்து நடைபெற்று வருகிறது.