தூத்துக்குடி மீனவர்களை விடுவிக்க நடவடிக்கை ராஜ்நாத்சிங்குக்கு கனிமொழி எம்.பி. நன்றி

சென்னை: தூத்துக்குடி மாவட்டம் தருவைக்குளம் பகுதி மீனவர்களை விடுவிக்க நடவடிக்கை மேற்கொண்ட மத்திய அமைச்சர் ராஜ்நாத்சிங்கிற்கு கனிமொழி எம்.பி. தனது டுவிட்டர் பக்கத்தில் நன்றி தெரிவித்துள்ளார்.

தி.மு.க. துணைப்பொதுச்செயலாளர் கனிமொழி தனது டுவிட்டர் பக்கத்தில் வெளியிட்டுள்ள பதிவில் கூறியிருப்பதாவது:

தூத்துக்குடி மாவட்டம் தருவைக்குளம் பகுதியைச் சேர்ந்த 10 மீனவர்கள் லட்சத்தீவு அருகே கைது செய்யப்பட்டிருந்தனர். இந்த நிலையில், அவர்களை உடனடியாக விடுதலை செய்ய மத்திய பாதுகாப்புத்துறை அமைச்சர் ராஜ்நாத் சிங்கிடம் கடிதம் வழங்கியிருந்தேன். 

எனது கோரிக்கையை ஏற்று மீனவர்களை உடனடியாக விடுவிக்க நடவடிக்கைகளை மேற்கொண்ட ராஜ்நாத்சிங்குக்கு எனது நன்றியைத் தெரிவித்துக் கொள்கிறேன். இவ்வாறு அதில் கூறப்பட்டுள்ளது.