சவுராஷ்டிரா அணிக்கு எதிராக டெல்லி ரஞ்சி அணியின் கேப்டனாக ரிஷப் பண்ட்?

மும்பை, ரஞ்சி போட்டியில் சவுராஷ்டிரா அணிக்கு எதிராக டெல்லி அணியின் கேப்டனாக ரிஷப் பண்ட் செயல்பட உள்ளதாக தகவல் வெளியாகி உள்ளது.

ஜெய்ஸ்வால்...

ரஞ்சி கோப்பை கிரிக்கெட்டின் அடுத்தகட்ட லீக் சுற்று ஆட்டங்கள் வருகிற 23-ந் தேதி தொடங்குகிறது. இதில் முன்னணி வீரர்களான இந்திய அணியின் விக்கெட் கீப்பர் ரிஷப் பண்ட் டெல்லி அணிக்காகவும், தொடக்க ஆட்டக்காரர் ஜெய்ஸ்வால் மும்பை அணிக்காகவும் மற்றும் சுப்மன் கில் பஞ்சாப் அணிக்காகவும் களமிறங்க உள்ளனர். விராட் கோலி டெல்லி அணியின் உத்தேச பட்டியலில் இடம் பிடித்திருக்கிறார். ஆனால் அவர் விளையாடுவது குறித்து எதுவும் தெரிவிக்கப்படவில்லை. அதேபோல் ரோகித் சர்மா மும்பை அணியுடன் இணைந்து பயிற்சி மேற்கொண்டார். ஆனால் விளையாடுவது குறித்தும் எதுவும் தெரிவிக்கப்படவில்லை.

சவுராஷ்டிரா....

இந்நிலையில் வருகிற 23-ம் தேதி தொடங்க உள்ள சவுராஷ்டிரா அணிக்கு எதிரான ரஞ்சி கோப்பை போட்டியில் டெல்லி அணியின் கேப்டனாக ரிஷப் பண்ட் செயல்பட உள்ளதாக தகவல் வெளியாகி உள்ளது. மேலும் மொத்த அணியின் விவரங்களும் அதிகாரப்பூர்வமாக இன்று வெளியாகும் என்று கூறப்படுகிறது.