உள்ளூர் போட்டிகளில் பங்கேற்க வேண்டும்: இந்திய கிரிக்கெட் வீரர்களுக்கு பி.சி.சி.ஐ. திடீர் கட்டுப்பாடுகள்

 மும்பை : உள்ளூர் போட்டிகளில் பங்கேற்க வேண்டும் உள்ளிட்ட பல்வேறு கட்டுப்பாடுகளை இந்திய கிரிக்கெட் வீரர்களுக்கு  பி.சி.சி.ஐ., விதித்துள்ளது.

புதிய விதிகளை... 

இந்திய அணியை மறுகட்டமைப்பு செய்யும் விதமாக, கிரிக்கெட் வீரர்களுக்கு கட்டுப்பாடுகளை விதித்து இந்திய கிரிக்கெட் நிர்வாகமான பி.சி.சி.ஐ., புதிய விதிகளை அமல்படுத்தியுள்ளது. அதன்படி, தேசிய அணியில் இடம்பெற தகுதி பெறுவதற்காக வீரர்கள் அனைவரும் உள்ளூர் போட்டிகளில் பங்கேற்க வேண்டும் என்று கட்டுப்பாடு விதிக்கப்பட்டுள்ளது.

விளம்பரம் கூடாது...

அனைத்து வீரர்களும் அணியுடன் மட்டுமே போட்டிகள் மற்றும் பயிற்சிகளுக்குச் செல்ல வேண்டும் என்று அறிவுறுத்தப்பட்டுள்ளது. கிரிக்கெட் தொடருக்கான சுற்றுப்பயணத்தின் போது வீரர்கள் தனிப்பட்ட விளம்பரம் உள்ளிட்ட படப்பிடிப்புகளில் ஈடுபடக் கூடாது என்றும் பி.சி.சி.ஐ.,-யின் படப்பிடிப்பு மற்றும் நிகழ்ச்சிகளில் வீரர்கள் பங்கேற்க வேண்டும் என்றும் தெரிவிக்கப்பட்டுள்ளது.