EMI இசை வெளியீட்டு விழா

சபரி புரொடக்ஷன்ஸ்  மல்லையன் தயாரிப்பில், சதாசிவம் சின்னராஜ் கதை, திரைக்கதை, வசனம் எழுதி இயக்கி, நாயகனாகவும் நடித்துள்ள படம் ‘EMI’ இப்படம் அனைத்து தரப்பினரும் ரசிக்கும் வகையில், முழுக்க முழுக்க காமெடி கலந்த சென்டிமெண்ட் படமாக உருவாகியுள்ளது.  நாயகியாக தான்யா மற்றும் பேரரசு, பிளாக் பாண்டி, ஆதவன் உள்ளிட்ட பலர் இப்படத்தில் நடித்துள்ளனர். இந்நிலையில், இப்படத்தின் இசை மற்றும் டிரெய்லர் வெளியீட்டு விழா சமீபத்தில் நடைபெற்றது. விழாவில் கே.பாக்யராஜ் உள்ளிட்ட பலர் கலந்து கொன்டணர்.  அப்போது பேசிய பாக்யராஜ், நம் வாழ்க்கையிலிருந்து கதையை எடுப்போம் என கதை செய்தேன். நம் வாழ்க்கையை எடுத்தால் படம் ஜெயிக்கும். EMI எல்லோரும் அனுபவிப்பது தான். இதில் நல்லதும் இருக்கிறது கெட்டதும் இருக்கிறது அதைச் சரியாகப் பயன்படுத்திக் கொள்ள வேண்டும்.  காமெடி சென்ஸோடு படத்தைச் சொல்லியிருந்தால் மக்கள் ஆதரிப்பார்கள்,  படம் வெற்றி பெற என் வாழ்த்துக்கள் நன்றி.” என்றார்.