சென்னை - பெங்களூரு போட்டி: டிக்கெட் விற்பனை இன்று ஆன்லைன் மூலம் துவக்கம்

சென்னை : சென்னை - பெங்களூரு ஐ.பி.எல். போட்டிக்கான டிக்கெட் விற்பனை இன்று ஆன்லைன் மூலம் துவங்கவுள்ளது.

இந்த நிலையில், சென்னை சேப்பாக்கம் திடலில் வருகின்ற மார்ச் 28, வெள்ளிக்கிழமை இரவு சென்னை மற்றும் பெங்களூரு அணிகள் மோதுகின்றன. இந்தப் போட்டிக்கான டிக்கெட் ஆன்லைன் மூலம் செவ்வாய்க்கிழமை காலை 10.15 மணிக்கு விற்பனை செய்யப்படும் என்று அறிவிக்கப்பட்டுள்ளது. www.chennaisuperkings.com என்ற இணையதளத்தில் மட்டுமே டிக்கெட் விற்பனை செய்யப்படும் என்று தெரிவிக்கப்பட்டுள்ளது.

சென்னை - மும்பை அணிகள் மோதும் முதல் போட்டிக்கான டிக்கெட் விற்பனை தொடங்கிய 20 நிமிடங்களில் நிறைவடைந்தது, மேலும், 38,000 இருக்கைகளுக்கு 2 லட்சத்துக்கும் அதிகமான ரசிகர்கள் ஆன்லைனில் காத்திருந்தது குறிப்பிடத்தக்கது.