குட் பேட் அக்லி டிரைலர் வெளியீடு

அஜித் - ஆதிக் ரவிச்சந்திரன் கூட்டணியில் உருவாயிருக்கும் குட் பேட் அக்லி படத்தின் டிரைலர் சமீபத்தில் வெளிவந்தது. முழுக்க முழுக்க அஜித் ரசிகர்களை திருப்திப்படுத்தும் படமாகவே இப்படத்தை ஆதிக் எடுத்துள்ளார் என்பதை டிரைலர் மூலம் அறிந்து கொள்ள முடிகிறது.  இப்படம் வெளியாக இன்னும் சில நாட்களே உள்ள நிலையில் படத்தின் மீதான எதிர்பார்ப்பு அதிகரித்துக்கொண்டே போகிறது. மைத்ரி மூவி மேக்கர்ஸ் நிறுவனம் தயாரிக்கும் இந்த படத்தில் திரிஷா, பிரபு, அர்ஜுன் தாஸ், சுனில், பிரசன்னா, சைன் டாம் சாக்கோ, ஜாக்கி ஷராஃப் சிம்ரன் உள்ளிட்ட பலர் நடித்துள்ளனர். சமீபத்தில் இப்படத்தின் முதல் பாடலான 'ஓஜி சம்பவம்' பாடல் வெளியாகி வைரலானது. அதனை தொடர்ந்து 2-வது பாடலான 'காட் பிளஸ் யூ' வெளியாகி வைரலாகி வருகிறது. ஜி.வி பிரகாஷ் இசையில் இந்த பாடலை அனிருத் பாடியுள்ளார்.