ரெட் ப்ளவர் - 2047AD

நடிகர் விக்னேஷ் நடிக்கும் தமிழ் பியூச்சரிஸ்டிக் அதிரடி திரைப்படம் ரெட் ப்ளவர் 2047AD. படம் பற்றி இயக்குனர் ஆண்ட்ரூ பாண்டியன் பேசுகையில், 'ரெட் ஃப்ளவர்' திரைப்படத்தை நடிகர் விஜய்யை ஹீரோவாக மனதில் கொண்டு எழுதப்பட்டது. மூன்றாம் உலகப் போரில் இருந்து நம் இந்தியாவை காப்பாற்றும் ஒரு சீகிரெட் ஏஜெண்டாக அந்த கதாபாத்திரத்தை வடிவமைத்திருந்தேன். ஆனால், எதிர் பாராத திருப்பமாக இப்படத்தில் நடிகர் விக்னேஷ் ஹீரோவாக நடித்துள்ளார். அவரது மிகுந்த ஆர்வம், அர்ப்பணிப்பு, உறுதிப்பாடு மற்றும் கடுமையான முயற்சியின் மூலம் அவர் எனது எதிர்பார்ப்புகள் அனைத்தையும் நிறைவேற்றியுள்ளார். படத்தில் 9 சண்டைக் காட்சிகள், 95 நிமிட கிராபிக்ஸ் மற்றும் 3 பாடல்கள் இடம் பெற்றுள்ளன என்றார்.

ரெட் ப்ளவர் படத்தை ஸ்ரீகாளிகாம்பாள் பிக்சர்ஸ் சார்பில் கே.மாணிக்கம் தயாரித்துள்ளார், விரைவில் இத்திரைப்படம் திரையரங்குகளில் வெளியாக உள்ளது.