தீபாவளியை முன்னிட்டு வரும் 22-ம் தேதி வரை 110 சிறப்பு ரயில்கள் இயக்கம்

சென்னை, தீபாவளியை முன்னிட்டு இன்று முதல் 22-ம் தேதி வரையில் 110 சிறப்பு ரயில்கள் இயக்கப்பட உள்ளதாக தெற்கு ரயில்வே தெரிவித்துள்ளது.

தீபாவளி பண்டியை முன்னிட்டு சொந்த ஊர் செல்லும் பயணிகளின் வசதிக்காக பல்வேறு சிறப்பு ரயில்கள் இயக்கப்பட்டு வருகிறது. இதற்கிடையே, நேற்று (சனிக்கிழமை) முதல் வருகிற 22-ம் தேதி வரையில் எத்தனை சிறப்பு ரயில்கள் இயக்கப்பட உள்ளது என்ற தகவலை தெற்கு ரயில்வே வெளியிட்டுள்ளது. அதன் விவரம் வருமாறு:-

தாம்பரம்-திருச்சி (வண்டி எண்.06191), திருச்சி-தாம்பரம் (06190), போத்தனூர்-சென்டிரல் (06050), தாம்பரம்-கன்னியாகுமரி (06133), மதுரை-தாம்பரம் (06162), எழும்பூர்-மதுரை (06045), கோவை-திண்டுக்கல் (06139), திண்டுக்கல்-கோவை (06140), சென்டிரல்-போத்தனூர் (06049), மற்றும் தமிழ்நாட்டில் இருந்து மற்ற மாநிலம் செல்லும் ரயில், மற்ற மாநிலங்களில் இருந்து தமிழ்நாடு வரும் ரயில் என மொத்தம் 24 ரயில்கள் நேற்று (சனிக்கிழமை) இயக்கப்பட உள்ளது. 

திருச்சி-தாம்பரம் (06190), தாம்பரம்-திருச்சி (06191), நெல்லை-மேட்டுப்பாளையம் (06030), நாகர்கோவில்-தாம்பரம் (06012), போத்தனூர்-சென்டிரல் (06044), நெல்லை-செங்கல்பட்டு (06154), செங்கல்பட்டு-நெல்லை (06153) மற்றும் தமிழ்நாட்டில் இருந்து மற்ற மாநிலம் செல்லும் ரயில், மற்ற மாநிலங்களில் இருந்து தமிழ்நாடு வரும் ரயில் என மொத்தம் 19 ரயில்கள் இன்று (ஞாயிற்றுக்கிழமை) இயக்கப்பட உள்ளது.

தாம்பரம்-நாகர்கோவில் (06011), தூத்துக்குடி-எழும்பூர் (06018), சென்டிரல்-கன்னியாகுமரி (06151), மேட்டுப்பாளையம்-நெல்லை (06029), செங்கோட்டை-தாம்பரம் (06014), திருச்சி-தாம்பரம் (06190), தாம்பரம்-திருச்சி (06191) மற்றும் தமிழ்நாட்டில் இருந்து மற்ற மாநிலம் செல்லும் ரயில், மற்ற மாநிலங்களில் இருந்து தமிழ்நாடு வரும் ரயில் என மொத்தம் 23 ரயில்கள் வருகிற 20-ம் தேதி இயக்கப்பட உள்ளது. எழும்பூர்-தூத்துக்குடி (06017), திருச்சி-தாம்பரம் (06190), தாம்பரம்-திருச்சி (06191), நாகர்கோவில்-சென்டிரல் (06054), கன்னியாகுமரி- சென்டிரல் (06152), தூத்துக்குடி-எழும்பூர் (06018), நெல்லை-செங்கல்பட்டு (06156), செங்கல்பட்டு-நெல்லை (06155), போத்தனூர்-சென்டிரல் (06100), மதுரை-தாம்பரம் (06046), கோவை-திண்டுக்கல் (06139), திண்டுக்கல்-கோவை (06140) மற்றும் தமிழ்நாட்டில் இருந்து மற்ற மாநிலங்கள் செல்லும் ரயில், மற்ற மாநிலங்களில் இருந்து தமிழ்நாடு வரும் ரயில் என மொத்தம் 25 ரயில்கள் வரும் 21-ம் தேதி இயக்கப்பட உள்ளன.

திருச்சி-தாம்பரம் (06190), தாம்பரம்-திருச்சி (06191), சென்டிரல்-நாகர்கோவில் (06053), கோவை-திண்டுக்கல் (06139), திண்டுக்கல்-கோவை (06140), நெல்லை-செங்கல்பட்டு (06156), செங்கல்பட்டு-நெல்லை (06155), சென்டிரல்-போத்தனூர் (06043) மற்றும் தமிழ்நாட்டில் இருந்து மற்ற மாநிலங்கள் செல்லும் ரயில், மற்ற மாநிலங்களில் இருந்து தமிழ்நாடு வரும் ரயில் என மொத்தம் 19 ரயில்கள் வரும் 22-ம் தேதி இயக்கப்பட உள்ளன.

தெற்கு ரயில்வே முழுவதும் சிறப்பு ரயில்களை பொறுத்த வரையில் கடந்த வியாழக்கிழமை 13 ரயில்களும், நேற்று முன்தினம் 24 ரயில்களும் இயக்கப்பட்டன. இதேபோல, வருகிற 22-ம் தேதி வரையில் மொத்தம் 110 ரயில்கள் இயக்கப்பட இருக்கிறது. தீபாவளி பண்டிகையை முன்னிட்டு கடந்த 16-ம் தேதி முதல் வருகிற 22-ம் தேதி வரையில் மொத்தம் 147 சிறப்பு ரயில்கள் அறிவிக்கப்பட்டு உள்ளதாக தெற்கு ரயில்வே வெளியிட்டுள்ள செய்திக்குறிப்பில் தெரிவிக்கப்பட்டு உள்ளது.