முக்கிய செய்திகள்
Idhayam Matrimony

ஆஸ்திரேலியாவுக்கு பதிலடி கொடுத்து இந்திய அணி ஒருநாள் தொடரை சமன் செய்யுமா? - அடிலெய்டில் இன்று 2-வது போட்டியில் மோதல்

புதன்கிழமை, 22 அக்டோபர் 2025      விளையாட்டு
India 2024-01-29

Source: provided

அடிலெய்டு : ஆஸி.,க்கு பதிலடி கொடுத்து இந்திய அணி ஒருநாள் தொடரை சமன் செய்யுமா? என்று ஆவல் ரசிகர்கள் மத்தியில் எழுந்துள்ள நிலையில், இன்று அடிலெய்டில் நடைபெறும் 2-வது போட்டியில் பலப்பரீட்சை நடத்தவுள்ளது.

சுற்றுப்பயணம்... 

இந்திய கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 3 ஒருநாள் போட்டி தொடரில் பெர்த் மைதானத்தில் நடைபெற்ற முதல் ஆட்டத்தில் இந்தியா 7 விக்கெட் வித்தியாசத்தில் தோற்றது. இதன் மூலம் 0-1 என்ற கணக்கில் பின்தங்கி உள்ளது. இந்தியா-ஆஸ்திரேலியா அணிகள் மோதும் 2-வது ஒருநாள் ஆட்டம் அடிலெய்டுவில் இன்று (23-ம் தேதி) நடக்கிறது. இந்தப் போட்டியில் வெற்றி பெற வேண்டிய கட்டாயம் இந்திய அணிக்கு இருக்கிறது. தோற்றால் தொடரை இழந்து விடும்.

கடந்த 17 ஆண்டுகள்... 

சுப்மன்கில் தலைமையிலான இந்திய அணி முதல் போட்டியில் ஏற்பட்ட தோல்விக்கு பதிலடி கொடுத்து தொடரை சமன் செய்யுமா? என்று ஆவலுடன் எதிர்பார்க்கப்படுகிறது. அடிலெய்டுவில் இந்தியா ஒருநாள் போட்டி ரெக்கார்டு சிறப்பாகவே உள்ளது. இந்த மைதானத்தில் கடந்த 17 ஆண்டுகளாக ஒருநாள் போட்டியில் இந்தியா தோல்வியடைந்ததே இல்லை. அந்த வரலாற்றை இந்தியா தக்க வைக்குமா என எதிர்பார்க்கப்படுகிறது.

பலமுறை மழையால்...

முதல் போட்டி முழுமையாக நடைபெறாமல் பலமுறை மழையால் பாதிக்கப்பட்டது. இதனால் இந்திய வீரர்கள் திறமையை வெளிப்படுத்த இயலாமல் போனது. இதை ஈடு செய்யும் வகையில் வீரர்கள் இன்றைய போட்டியில் சிறப்பாக ஆட வேண்டும். 20 ஓவர் மற்றும் டெஸ்டில் இருந்து ஓய்வு பெற்று விட்டு ஒருநாள் போட்டியில் மட்டும் விளையாடி வரும் சீனியர் வீரர்களான ரோகித் சர்மா, விராட் கோலி இருவரும் முதல் ஆட்டத்தில் சொதப்பினர். ரோகித் 8 ரன்னிலும், கோலி ரன் எதுவும் எடுக்காமலும் அவுட் ஆனார்கள். இருவருக்கும் 2-வது போட்டியில் ரன் குவிக்க வேண்டிய நெருக்கடி ஏற்பட்டுள்ளது.

அணியில் மாற்றம்... 

கே.எல். ராகுல், அக்ஷர் படேல், நிதிஷ் குமார் ரெட்டி ஆகியோர் மட்டுமே பேட்டிங்கை வெளிப்படுத்தினார்கள். பந்துவீச்சு எதிர்பார்த்த அளவுக்கு சிறப்பாக அமையவில்லை. இதனால் நாளைய போட்டிக்கான இந்திய அணியில் மாற்றம் இருக்கும் என்று கருதப்படுகிறது. குல்தீப் யாதவுக்கு வாய்ப்பு கிடைக்குமா என்று எதிர்பார்க்கப்படுகிறது. மிச்சேல் மார்ஷ் தலைமையிலான ஆஸ்திரேலிய அணி 2-வது போட்டியிலும் வெற்றி பெற்று தொடரை வெல்லும் ஆர்வத்துடன் இருக்கிறது. பேட்டிங் மற்றும் பந்து வீச்சில் அந்த அணி சமபலத்துடன் திகழ்கிறது.

153 போட்டிகளில்... 

இரு அணிகளும் இதுவரை மோதிய 153 ஒருநாள் போட்டியில் இந்தியா 58-ல், ஆஸ்திரேலியா 85-ல் வெற்றி பெற்றுள்ளன. 10 ஆட்டம் முடிவு இல்லை. இந்திய நேரப்படி காலை 9 மணிக்கு தொடங்கும் இந்த போட்டி ஸ்டார் ஸ்போர்ட்ஸ் சேனல்களில் நேரடியாக ஒளிபரப்பு செய்யப்படுகிறது.

டிக்கெட்டுகள் விற்று தீர்ந்தன

இன்று நடைபெறவுள்ள ஒருநாள் போட்டிக்கான டிக்கெட்டுகள் அனைத்து விற்று தீர்ந்து விட்டதாக ஆஸ்திரேலியா கிரிக்கெட் வாரியம் தெரிவித்துள்ளது. அடிலெய்டு ஓவல் 42,500 பார்வையாளர்கள் அமரும் வகையில் உள்ளது. பேட்டிங்குக்கு சாதகமான இந்த மைதானத்தில் 8 போட்டிகளில் 6 முறை சேசிங் செய்த அணியே வெற்றி பெற்றுள்ளது. சிட்னியில் நடைபெறும் கடைசி ஒருநாள் போட்டிக்கான டிக்கெட்டுகள் மற்றும் கான்பெராவில் நடைபெறும் முதல் டி20 போட்டிக்கான டிக்கெட்டுகள் ஏற்கனவே விற்று தீர்ந்தது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 3 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 3 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 4 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 4 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 6 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 6 months ago
View all comments

வாசகர் கருத்து