வளர்ந்து வரும் பருவத்தில் ஏற்படும் தோழமை வறுமையையும் தாங்கும், செம்மையும் தாங்கும். இந்த அருமையானக் கருத்தை நம்மிடம் ஒரு குறும்படம் மூலம் சொல்லி இருக்கிறார் இயக்குனர் பிரபுராம் வியாஸ். பெஞ்ச் கல்ச்சர் மற்றும் கல்ச்சர் மெசின் ஆகிய இரு நிறுவனங்கள் இணைந்து உருவாக்கி உள்ள பெஞ்ச் கல்ச்சர் என்கிற நிறுவனம் மூலம் மனித மனசுகளுக்குள் உள்ள முரண்பாடுகளை தெளிவாக காட்டுகிறது இந்தக் குறும் படம்.

வறுமையின் விளிம்பில், பள்ளிக் கூடம் போகாமல் சிறு வயதிலேயே எதையாவது விற்று தங்கள் வயிற்று பாட்டை தணிக்கும் இரு சிறுவர்களுக்குள் நிகழும் தோழமைதான் 'சீனா விசிறி'.

சந்தோஷமாக இருக்கும் அவர்களது வாழ்வில் சீன ஆக்கிரமிப்பு போல வந்து சோதித்தது ஒரு சீன விசிறி, இந்த ஊருடுவளை அழகான, கூர்மையான வசனங்கள் மூலம் விவரிக்கிறார் இயக்குனர். இயக்குனர் கார்த்திக் சுப்புராஜ் தனது சொந்த நிறுவனமான பெஞ்ச் பிளிக்ஸ் என்கிற நிறுவனம் மூலம் பல்வேறு திறமையான இளைஞர்களை அறிமுகப்படுத்தி வருகிறார்

.'குறும் படம் இயக்குவது என்பதை சற்றுக் கடினமானக் காரியம் என்பேன். இதனுடன் ஒப்பிட்டால் திரைப்படம் இயக்குவது சுலபமே என்பேன். குறும் படம் இயக்குவதில் உள்ள சவால் என்னவென்றால் சொல்ல வரும் விஷயத்தை நேர்த்தியாக குறைந்தக் கால அவகாசத்தில் சொல்லியே தீர வேண்டும் என்பதுதான். அதையும் படம் பார்க்கும் ரசிகர்கள் சட்டென்று புரிந்துக் கொள்ளும் வகையில் படமாக்க வேண்டும். நான் குறும் படங்கள் இயக்க துவங்கியப் போது அதை ரசிகர்களிடம் கொண்டு போய் சேர்க்க நிறையவே சிரமப்பட்டேன். எனக்கு வந்த சோதனை, என்னை பின் தொடர்ந்து வரும் இளம் இயக்குனர்களுக்கு இருக்க வேண்டாம் என்று எண்ணினேன். அதனால் தான் நானும் என்னுடையக் குழுவினரும் குறும் படங்களுக்கான ஒரு மேடையை நிர்மாணித்து, அதன் மூலம் குறும் பட இயக்குனர்களை வழி நடத்த ஆசைப் பட்டோம். ஸ்டோன் பெஞ்ச் மற்றும் பெஞ்ச் பிளிக்ஸ் நிறுவனம் தோன்றியது இப்படித்தான்' என்றுக் கூறினார் இயக்குனர் கார்த்திக் சுப்புராஜ்.