Idhayam Matrimony

விடுதலைப் புலிகளுக்கு தடை விதித்தது செல்லும்..!

திங்கட்கிழமை, 1 ஜூலை 2013      தமிழகம்
Image Unavailable

 

சென்னை, ஜூலை.1 - ஸ்ரீபெரும்புதூரில் 1991-ம் ஆண்டு மே மாதம் 21-ந்தேதி முன்னாள் பிரதமர் ராஜீவ்காந்தி விடுதலைப் புலிகளால் படுகொலை செய்யப்பட்டார். இதையடுத்து விடுதலைப் புலிகள் இயக்கத்துக்கு 1993-ம் ஆண்டு மத்திய உள்துறை அமைச்சகம் தடைவிதித்து உத்தரவிட்டது.

இந்த தடை உத்தரவை 2 ஆண்டுகளுக்கு ஒருமுறை மத்திய அரசு நீட்டித்து வருகிறது. 2010-ம் ஆண்டு விடுதலைப்புலி அமைப்புக்கு தடைவிதித்து மத்திய உள்துறை அமைச்சகம் அரசாணை வெளியிட்டது. இது சரிதானா? என்பது குறித்து ஆராய டெல்லி ஐகோர்ட்டின் அப்போதைய நீதிபதி விக்கிரமஜித் மாஜித்சென் தலைமையிலான தீர்ப்பாயம் அமைக்கப்பட்டது.

இவர்கள் டெல்லி, சென்னை, ஊட்டி கொடைக்கானல் ஆகிய இடங்களில் விசாரணை நடத்தி கடந்த 2010 டிசம்பர் மாதம் விடுதலைப்புலி இயக்கத்துக்கு தடைவிதித்த உத்தரவு சரிதான் என்று தீர்ப்பு கூறியது.

இந்த தீர்ப்பை ரத்து செய்யக்கோரி ம.தி.மு.க. பொதுச்செயலாளர் வைகோ, வக்கீல் புகழேந்தி உள்பட பலர் உயர்நீதிமன்றத்தில் வழக்கு தொடர்ந்தனர். இந்த வழக்கை நீதிபதி எலிபி தர்மாராவ், நீதிபதி வேணுகோபால் அடங்கிய டிவிசன் பெஞ்ச் விசாரித்து வந்தது.

அதன்பின், 2012-ம் ஆண்டு இதன் தீர்ப்பை தேதி குறிப்பிடாமல் தள்ளி வைத்தது. இந்த வழக்கில் நேற்று காலை தீர்ப்பு வழங்கப்பட்டது. அப்போது நீதிபதிகள் கூறியதாவது:-

விடுதலைப்புலி இயக்கத்துக்கு தடை விதித்து மத்திய அரசு பிறப்பித்த உத்தரவை சட்டப்படி ஆலோசனை செய்து நீதிபதி விக்கிரம ஜித் மாஜித்சென் தலைமையிலான தீர்ப்பாயம் தீர்ப்பு அளித்துள்ளது. இதில் சட்டமீறலோ விதி மீறலோ இல்லை. அனைத்து அம்சங்களையும் ஆராய்ந்துதான் இறுதி தீர்ப்பை அளித்துள்ளனர். எனவே விடுதலைப்புலிகள் இயக்கத்துக்கு தடைவிதித்தது செல்லும். இதனால் இந்த வழக்கை தள்ளுபடி செய்கிறோம்.

இவ்வாறு தீர்ப்பு கூறினர்.

இந்த வழக்கில் ஆஜராவதற்காக உயர்நீதிமன்றத்துக்கு ம.தி.மு.க. பொதுச் செயலாளர் வைகோ வந்திருந்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 9 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 9 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 10 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 10 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 12 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 12 months ago