மின்சாரம் தாக்கி மரணமடைந்த பெண் குடும்பத்திற்கு நிதி

சென்னை, ஜூலை.9 - மின்சாரம் தாக்கியதில் உயிரிழந்த பெண்ணின் குடும்பத்திற்கு ரூ.1 லட்சம் நிதியுதவி செய்ய முதல்வர் ஜெயலலிதா உத்தரவிட்டுள்ளார். இதுதொடர்பாக முதலமைச்சர்    ஜெயலலிதா வெளியிட்டுள்ள வின் அறிக்கையில் கூறியிருப்பதாவது:- திருவண்ணாமலை மாவட்டம்,  செய்யார் வட்டம்,  மேநல்லூர் கிராமத்தைச் சேர்ந்த  செல்வராஞு என்பவரின் மகள்  கலைச்செல்வி,  29.6.2013 அன்று பள்ளியில் மின்சாரம் தாக்கி உயிரிழந்தார் என்ற செய்தியை அறிந்து நான் மிகவும் துயரம் அடைந்தேன். 

மின்சாரம் தாக்கி அகால மரணமடைந்த  மாணவி கலைச்செல்வியின் குடும்பத்திற்கு  எனது ஆழ்ந்த  இரங்கலையும், அனுதாபத்தையும் தெரிவித்துக் கொள்கிறேன்.

இந்த துயரச் சம்பவத்தில் உயிரிழந்த மாணவி கலைச்செல்வியின் குடும்பத்திற்கு முதலமைச்சரின் பொது நிவாரண நிதியிலிருந்து ஒரு லட்சம் ரூபாய் வழங்க நான் உத்தரவிட்டுள்ளேன்.  

இவ்வாறு முதல்வர் ஜெயலலிதா தனது அறிக்கையில் கூறியுள்ளார்.