முக்கிய செய்திகள்
Idhayam Matrimony

இடியுடன் மழை பெய்ய வாய்ப்பு: வானிலை ஆய்வு மையம்

திங்கட்கிழமை, 8 ஜூலை 2013      தமிழகம்
Image Unavailable

 

சென்னை, ஜூலை.9 - தமிழ்நாட்டில் தொடர்ந்து இடியுடன் மழை பெய்ய வாய்ப்பு இருப்பதாக சென்னை வானிலை மையம் அறிவித்துள்ளது. தென்மேற்கு பருவ மழை, காரணமாக தென் மாவட்டங்களில் பல இடங்களில் மழை பெய்து வருகிறது. காவிரி டெல்டா பகுதிகளிலும் பரவலாக மழை பெய்தது. ஆனால் சென்னை உள்பட வட மாவட்டங்களில் போதிய மழை இல்லாமல் வறண்ட வானிலை காணப்பட்டது. இந்த நிலையில் கடந்த 2 நாட்களாக இரவு நேரங்களில் வட மாவட்டங்களிலும் மழை பெய்கிறது.

நேற்று முன்தினம் தாம்பரத்தில் 40 மி.மீ. மழை பதிவாகி இருந்தது. காஞ்சீபுரம், வாலாஜாபாத், ஸ்ரீபெரும்புதூர், உத்தர மேரூர், மதுராந்தகம், தாம்பரம், பல்லாவரம் உட்பட பல பகுதிகளில் கடந்த சனி, ஞாயிறுகளில் பரவலாக நல்ல மழை பெய்தது. பகலில் வாகனம் மேக மூட்டத்துடன் குளிர்ந்த சூழ்நிலை நிலவியது.

இதே போல் நேற்றிரவு சென்னை, திருவள்ளுார், காஞ்சீபுரம் மாவட்டங்களில் பரவலாக மழை பெய்தது. இதில் நுங்கம்பாக்கத்தில் 22.2 மி.மீட்டர் மழை பெய்தது. மீனம்பாக்கத்தில் 4.2 மி.மீட்டர் மழை பதிவாகி உள்ளது. பெய்தது. 

இதுபற்றி சென்னை வானிலை ஆய்வு மைய இயக்குனர் ரமணன் கூறுகையில், ''தென்மேற்கு பருவ மழையின் தாக்கம் மற்றும் வெப்ப சலனம் காரணமாக வட மாவட்டங்களில் மழை பெய்கிறது.

அடுத்த 24 மணி நேரத்திற்கு தமிழ்நாட்டின் ஓரிரு மாவட்டங்களில் மழை பெய்யும். சென்னையில் வானம் மேகமூட்டத்துடன் காணப்படும். ஓரிரு இடங்களில் இடியுடன் கூடிய மழை பெய்யும்'' என்றார்.

நேற்று முன்தினம் இரவு பெய்த மழையில் அதிகபட்சமாக திருவாரூரில் 4 செ.மீ. செங்கல்பட்டு, காவேரிப்பாக்கம், காரைக்கால், நாகை, நீடாமங்கலம், பாபநாசத்தில் 3 செ.மீ. மழையும், சென்னை மாவட்டத்தில் 2 செ.மீ. மழையும், கும்பகோணம், காஞ்சீபுரம், ஸ்ரீபெரும்புதூர், மதுராந்தகம், எண்ணூரில் 1 செ.மீ. மழையும் பதிவாகி உள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago